وروستی
بلخ کې د درمل جوړولو فابریکې د چاپېریالي وضعیت ارزونه وشوه
۱۴۴۶کال د ربیع الاول۲۳مه/ بلخ
د بلخ ولایت د چاپېریال ساتنې رئیس مولوي شمس الدین خالد په
مشرۍ نظارتي ټیم د طبي زبالو د تنظیم او چاپېریالي اصولو د تطبیق په موخه د مزارشریف
ښار په ۱۲مه
ناحیه کې د ایمن په نوم د درمل جوړولو فابریکې د چاپېریالي وضعیت څارنه او ارزونه
وکړه.
د
نظارت په ترڅ کې د یادې فابریکې د بیلابېلو څانګو څارنه او ارزونه وشوه، موجوده
چاپېریالي ستونزې له مسوولینو سره شریکې شوې او د طبي پاتې شونو د تنظیم، تفکیک او
لهمنځه وړلو په هکله د فابریکې مسوولینو ته لازمې سپارښتنې وشوې.
د چاپېریالي چارو مفتشینو لخوا د یادې فابریکې مسوولینو ته
د چاپېریال قانون او مقرراتو په هکله عامه پوهاوی ورکړل شو.
د چاپېریال قانون احکامو مطابق د ټولو دولتي او خصوصي
روغتونونو، کلینیکونو او درمل جوړولو فابریکو مسوولین مکلف دي چې طبي زبالې له
عادي زبالو څخه تفکیک او په ټاکل شوو ځایونو کې له منځه یووړل شي.