وروستی
پکتیکا کې درې لیوان د ښکاریانو له منګولو خلاص او ازاد شول
۱۴۴۶کال د ربیع الاول۲۶مه/ پکتیکا
د ښکار د مخنیوي په تړاو د ا،ا،ا د ریاست الوزراء عالي مقام
د(١١٤) ګڼه هدایت د تطبیق په موخه د پکتیکا ولایت د چاپېریال ساتنې ریاست مسوولنو
له لوري د رضاکاره شوراګانو او امنیتي ارګانونو په همکارۍ درې تنه ښکاریان له ۳لیوانو سره ونیول شول.
د چاپېریال ساتنې ملي ادارې د پالیسۍ سره سم نیول شوي لیوان
د ولایت مقام د حکم او ټاکل شویو ادارو د استازو په حضور کې د پکتیکا
ولایت د سروبي ولسوالۍ په تابوط سیمه کې بېرته ازاد طبیعت ته خوشې شول. لیوان د
ساتنې وړ وحشي ډولو په نوملړ کې شامل وحشي ډولونه دي چې ښکار او قاچاق یې بند دی.
له نیول شوو ښکاریانو څخه لیکلې ژمنې واخیستل شوې چې نور به
له هر ډول ښکار لاس اخلي او که بیاځلي ونیول شول اصولي چلند به ورسره وشي.
د یادونې
وړ ده چې په افغانستان کې د تېرو څو لسیزو جګړو پر مهال د انساني ناخوالو سربېره د
دې هېواد وحشي ډولونو ته هم ډیر زیان اووښتی چې دا مهال (۱۴۹) وحشي ډولونه د افغانستان د
ساتنې وړ وحشي ډولونو په نوملړ کې شامل شوي دي چې نسل یې د ورکېدا له ګواښ سره مخ دی.
په دې وحشي ډولونو کې ۸ډوله
نباتات، ۱ډول
حشره، ۴ډوله
خزندهګان، ۱ډول
ذوحیاتین، ۵۷ډوله
الوتونکي، ۷۶ډوله
تيلرونکي ژوي او ۲ډوله
کبان شامل دي.
د ا.ا.ا. د مشرتابه د حکم په اساس په ټول افغانستان کې د
ذکر شوو ډولونو ښکار او قاچاق په مطلق ډول بند دی؛ که هر څوک دې امر څخه سرغړونه
وکړي د قانون منګولو ته سپارل کيږي.