هرات کې د ۴ فابریکو او ۱۲قنادیو له فعالیتونو څارنه وشوه

۱۴۴۶کال د ربیع الاول۲۷مه/ هرات
د هرات ولایت د چاپېریال ساتنې ریاست مسوولینو له لوري په فعالیتونو کې د چاپېریالي اصولو د تطبیق او هواککړتیا راکمولو په موخه د یاد ولایت په صنعتي ښارګوټي کې د وسپنې ویلې کولو، سربو او پلاستیکې کڅوړو ۴تولیدي فابریکو او د ښار په مختلفو ناحیو کې د ۱۲قنادیو د فعالیتونو د څرنګوالي څخه نظارت ترسره شو.
د چاپېریالي چارو مفتشینو لخوا د ذکر شوو فعالیتونو د څرنګوالي کتنه او ارزونه ترسره شوه، موجوده چاپېریالي ستونزې په نښه شوې، د یادو شوو فعالیتونو له ډلې د قنادۍ ۲تولیدي کارخونې مُهر ولاک شوې او مسوولینو ته یې سپارښتنې وشوې چې تر ټاکل شوې مودې خپل فعالیتونه اصلاح کړي؛ همدا راز د چاپېریال قانون او مقرراتو په هکله ورته لازم معلومات ورکړل شول او سپارښتنې ورته وشوې چې د پاک چاپېریال رامنځته کولو او هېوادوالو د روغتیا ساتنې په موخه دې خپل فعالیتونه د موجوده چاپېریالي او روغتیایي معیارونو او اصولو په پام کې نیولو سره ترسره کړي.
چاپېریال ساتنه د ټولو هېوادوالو فردي مسوولیت دی؛ نو د هر ډول فعالیتونو مالکین مکلف دي چې د هېوادوالو روغتیا ساتنې او پاک چاپېریال رامنځته کولو کې خپل مسوولیت ادا کړي او که هر چا سرغړونه وکړه چې جدي قانوني چلند سره به مخ شي

Sep 30, 2024