وروستی
کندهار، کونړ او بلخ کې د نفرايټ ډبرو د استخراج معدن، ۳ریګریشنونو او ۵ګچپزیو څخه نظارت ترسره شو
۱۴۴۶کال د ربیع الاول۲۸مه/ کندهار-کونړ-بلخ
د کندهار، کونړ او بلخ ولایتونو د چاپېریال ساتنې ریاستونو
مفتشینو له لوري د کندهار دامان ولسوالۍ اړوند د ارغستان پله په سيمه کې د دوو ریګریشنونو؛
د خاص کونړ ولسوالۍ برچڼچڼ په ساحه کې د زمين سنګ نفرایټ ډبرو د استخراج معدن او د
بلخ په حیرتان دوراهي کې د شګې کان او باختر پروژه کې د ۵ګچ پزیو له فعالیتونو څخه
نظارت ترسره شو.
د دې ادارې د مفتشینو لخوا د ذکر شوو فعالیتونو مسولینو ته
د اوبو، هوا او خاورې ککړتیا د مخنیوي لپاره د لازمو تدابیرو سپارښتنې وشوې؛ د چاپېریال
قانون او مقرراتو په هکله عامه پوهاوی ورکړل شو؛ موجوده چاپېریالي ستونزې ورته د
اصلاح په موخه ور په ګوته شوې او سپارښتنې ورته وشوې چې خپل فعالیتونه د چاپېریالي
اصولو مطابق عیار او ترسره کړي.
د چاپېریال قانون د احکامو مطابق، کان کېندونکي مکلف دي چې
کېندل شوې شوې بیا ورغوي، د ځنګلونو او شنو ساحو د ویجاړتیا مخنیوي وکړي او د
معدنونو په شاوخوا سیمو کې نیالګي کېنوي.