وروستی
د چاپېریال ساتنې او اقلیمي بدلون په هکله زده کوونکو ته عامه پوهاوی ورکړل شو
۱۴۴۶کال د ربیع الثاني۳مه/ ننګرهار
د ننګرهار ولایت د چاپېریال ساتنې ریاست د عامه پوهاوي ټیم
له لوري په ټولنه کې د چاپېریالي مسایلو په تړاو د خلکو د ذهنیت روښانه کولو په
موخه د جلال آباد ښار لومړۍ ناحيې اړوند د افغان مراد خصوصي ښوونځي ۱۶۰ تنو زده کوونکو او ښوونکو ته
د چاپېریال ساتنې؛ اوبو، هوا او خاورې ککړتیا د مخنیوی؛ د ونو، بوټو او تفریحي
پارکونو د اهمیت او ساتنې او همدا راز اقلیمي بدلون په هکله عامه پوهاوی ورکړل شو.
ښوونکي او زده کوونکي د چاپېریال ساتنې په برخه کې خپلو
مسؤلیتونو او مکلفیتونو ته متوجه کړای شول؛ ترڅو وکولای شي د چاپېریال ساتنې په
برخه کې خپل مکلفیتونه په احسنه توګه ترسره کړي.
چاپېریال ساتنه زموږ ټولو مسوولیت دی؛ راځئ چې خپلو
ماشومانو ته په کوچنیوالي کې چاپېریال ساتنه ور زده کړو!