وروستی
بادغیس کې له هېواد څخه بهر ته د ۶ بازانو د قاچاق مخه ونیول شوه
۱۴۴۶کال د ربیع الثاني ۱۸مه/ بادغیس
د بادغیس ولایت د چاپېریال ساتنې ریاست مسوولینو د امنیتي
ارګانونو په همکارۍ د ۱۴۰۳کال
د تلې په ۲۹مه
نېټه د غورماچ په ولسوالۍ کې ۶
بازان چې له هېواد څخه بهر ته قاچاق کېدل ونیول شول او د ولایت مقام، استخباراتو
او امنیه قوماندانۍ استازو په حضور کې ازاد طبیعت ته خوشې شول.
بازان هغه مرغان دي چې نسل یې د ورکېدا له ګواښ سره مخ او د
ساتنې وړ ډولونو په نوملړ کې شامل دي.
دا مهال ۱۴۹وحشي
ډولونه د افغانستان د ساتنې وړ وحشي ډولونو په نوملړ کې شامل شوي دي چې نسل یې د
ورکېدا له ګواښ سره مخ دی. په دې وحشي ډولونو کې ۸ډوله نباتات، ۱ډول حشره، ۴ډوله خزندهګان، ۱ډول ذوحیاتین، ۵۷ډوله الوتونکي، ۷۶ډوله تيلرونکي ژوي او ۲ډوله کبان شامل دي.
د ا.ا.ا. د مشرتابه د حکم په اساس په ټول افغانستان کې د
ذکر شوو ډولونو ښکار او قاچاق په مطلق ډول بند دی؛ که هر څوک له دې امر څخه سرغړونه
وکړي د قانون منګولو ته سپارل کيږي.