وروستی
میدانښار کې سلګونو پولیسو ته د ښکار د مخنیوي او طبیعي سرچینو د اهمیت په هکله روزنیز ورکشاپ جوړ شو
۱۴۴۶کال د ربیع الثاني ۱۹مه/ میدان وردګ
د میدان وردګوولایت په ښونیزاوروزنیز مرکزکی د ښکار د مخنیوي
،طبیعی منابعو داهمیت او د چاپېریال ساتنې په هکله(۵۰۴)تنوداسلامی امارت پولیسو ته
عامه پوهاوی ورکړل شو.
د میدان وردگو ولایت د چاپېریال ساتنې ریاست له خوا د ۱۴۰۳ کال د تلې په ۲۹مه نېټه د یاد ولایت د پولیسو
ښونیز او روزنیز مرکز کې د مختلفو ولایتونو (۵۰۴) تنو د اسلامي امارت ساتونکو
ته د ښکار د مخنیوي، طبیعي منابعو د اهمیت او مختلفو چاپېریالي مسایلو په هکله یو
ورځنی روزنیز ورکشاپ جوړ شوی و.
د ورکشاپ په پیل کې د میدان وردګو ولایت د چاپېریال ساتنې
رئیس مولوي الله محمد ذاکر د چاپېریال ساتنې، د ښکار د مخنیوي او طبیعي منابعو د
اهمیت په اړه وینا وکړه او طبیعی منابع یې د هیواد ملي شتمني یاده کړه چې باید
ساتنه یې وشي، نوموړي یادونه وکړه چې د اسلامي امارت ساتونکي مکلف دي چې د هیواد
په هر ځای کې د وحشي حیواناتو او مرغانو د قاچاق او ښکار د مخنیوي او طبیعي منابعو
د ساتنی په برخه کې خپل ملي مسولیت ادا کړي. ده یادونه وکړه چې چاپېریال ساتنه او
پالنه د ټولنې د ټولو وګړو دیني، ایماني او وجداني دنده او مسولیت دی چې باید ادا یې
کړي.
ښاغلي ذاکر د افغانستان اسلامي امارت د رئیس الوزراء عالي
مقام (۱۱۴)ګڼه
هدایت چې د وحشي ژوو او مرغانو د ښکار او قاچاق د مخنیوي په اړه صادر شوی وه له ګډونوالو
سره شریک کړ او پر ساتونوکو یې غږ وکړ چې د وحشي حیواناتو او مرغانو د ښکار او
قاچاق په مخنیوي او همداراز طبیعي منابعو په ساتنه کې کوټلي ګامونه واخلي.
د ورکشاپ په لړ کې د یاد ریاست کارپوهانو لخوا د طبیعي
منابعو، وحشي ژوو او مرغانو د اهمیت، ښکار او قاچاق د مخنیوي او مهمو چاپېریالي
مسایلو په هکله هر اړخیز معلوماتي پرزنټېشنونه وړاندې شول.