وروستی
میدان وردګو، پکتیا،غزني او خوست کې د ٦٥فعالیتونو د چاپېریالي چارو ارزونه وشوه
۱۴۴۶کال د ربیع الثاني ٢٣مه/ میدان وردګ -پکتیا-غزني-خوست
په فعالیتونو کې د چاپېریالي او ټولنیزو اغېزو د ارزونې په
موخه د میدان وردګو، پکتیا، غزني او خوست ولایتونو د چاپېریال ساتنې ریاستونو
نظارتي ټیمونو له خوا میدان وردګو کې د ٤ مختلفو اصنافو؛ دودنو تالار ،دتیلو پمپ دچرګانو فارم، دپلاستیک
جوړولو تولیدي فابریکي د پکتیا مرکز کې د ٥ بابه هوټلونو، غزني کې ٤ تولیدي شرکتونو څخه، همدا راز په خوست کې ٤٦
نانوایانو ٦ بابه هوټلونو د فعالیتونو د چاپېریالي وضعیت څارنه او ارزونه ترسره
شوه.
د فعالیتونو مالکینو ته د چاپېريال قانون، اصولو مقرراتو، د
(اوبو، هوا، خاورې او غڔيزې) ککړتيا د کچې راټيټولو، مخنيوي او د غير مترقبه پېښو
د مخنيوي په خاطر د ځانګړو تدابيرو درلودو سپارښتنې وشوې.
د ښرنې ښار د مارکیټونو مالکینو ته (۱۵) ورځې مهلت ورکړل شو چې خپلې
سپتیک څاهګانې معياري کړي چې د سرغړونې په صورت به یې مارکیټونه مُهرولاک شي.
د چاپېریال قانون د احکامو مطابق د هر ډول فعالیتونو مالکین
مکلف دي چې د هېوادوالو روغتیا ساتنې او پاک چاپېریال رامنځته کولو کې خپل مسوولیت
ادا کړي او که هر چا سرغړونه وکړه له جدي قانوني
چلند سره به مخ شي.