وروستی
لغمان کې د ښکار یو شمېر وسایل ضبط او له منځه یووړل شول
۱۴۴۶کال د ربیع الثاني ۲۵مه/ لغمان
د لغمان ولایت د چاپېریال ساتنې ریاست مسوولینو لهخوا د ښکار
د مخنیوي کمپاین په لړ کې د الینګار سیند په اوږدو کې د دوو ښکاري سیمو (ګبري او
نوره) څخه د نظارت په ترڅ کې یو شمیر د ښکار وسایل ضبط او له منځه یووړل شول او کلیوالو
ښکاریانو ته د ښکار د نه کولو سپارښتنې وشوې.
د لغمان ولایت د چاپېریال ساتنې ریاست د ښکار د مخنیوي په خاطر پراخ کمپاین پیل کړی
او په مکرر ډول له ټولنیزو رسنیو، اعلامیو، غونډو او خبرتیاوو له لارې خلکو ته د ښکار
نه کولو په تړاو پوهاوی ورکړل شوی او ورکول کیږي؛ همدارنګه د ټولو ولسوالیو ملکي
او نظامي ادارو ته هم د ښکار د مخنیوي لپاره د لازمو اجراآتو د ترسره کیدو په موخه
رسمي پاڼې لیږل شوې دي؛ ترڅو د هیواد طبیعي سرمایه خوندي پاتې شي.
د افغانستان ا.ا د مشرتابه حکم په اساس په ټول افغانستان کې د وحشي ژوو، مرغانو او
کبانو ښکار بند دی، که هر چا له دې امر څخه سرغړونه وکړه د قانون منګولو
ته به وسپارل شي.