وروستی
چاپېریال ساتنې ته د خلکو هڅونې په موخه له استادانو او محصلینو سره مشورتي غونډه وشوه
۱۴۴۶کال د جمادي الاول ۱۱نېټه/ ننګرهار
د ننګرهار ولایت د چاپېریال ساتنې ریاست د سپین غر د لوړو
زده کړو مؤسسې په همکارۍ د چاپېریال ساتنې او
هواککړتیا د مخنیوي په پار مشورتي غونډه جوړه کړې وه چې پکې یو شمېر
استادانو او محصلینو ګډون کړی وو.
د چاپېریال ساتنې فرهنګ ترویج په موخه د ننګرهار ولایت د
چاپېریال ساتنې ریاست د عامه پوهاوي ټيم لهخوا د یادې غونډې په لړ کې دچاپېریال
ساتنې، هوا ککړتیا د مخنیوي، د ونو او بوټو د ارزښت او چاپېریال ساتنې ته د خلکو د
هڅونې په برخه کې د استادانو او محصلینو د مسوولیتونو په تړاو معلوماتي پرزنټېشنونه
وړاندې شول او غوښتنه ترې وشوه چې په دې برخه کې خپل مسوولیتونه ادا کړي او په ټولنه
کې د چاپېریال ساتنې فرهنګ د ترویج لپاره هڅې وکړي.
د غونډې په لړ کې د سپین غر د لوړو زده کړو مؤسسې د
استادانو لهخوا د هوا ککړتیا د مخنیوي او چاپېریال ساتنې په اړه معلوماتي پرزنټیشنونه
وړاندې شول او ژمنه یې وکړه چې په ټولنه کې د چاپېریال ساتنې فرهنګ د ترویج لپاره
به هلې ځلې کوي.
چاپېریال ساتنه د ټولو هېوادوالو دیني او ملي مسوولیت دی؛
راځئ چې د سالم چاپېریال رامنځته کولو لپاره په ګډه کار وکړو!