وروستی
د کوچنیو مالي مرستو پروګرام SGP ملي کمېټې مشرتابه ناسته وکړه
د چاپېريال ساتنې ملي ادارې عمومي رئيس، شاه زمان ميوندي په مشرۍ د کوچنیو مالي مرستو پروګرام (SGP) ملي کمېټې مشرتابه، د روان کال د تلې په ۹مه نېټه د دې ادارې د بند امير د غونډو په تالار کې ناسته وکړه.
په دغه ناسته کې د چاپېريال ساتنې ملي ادارې مسلکي معين، انجينير عزت الله صديقي، د ملګرو ملتونو د پراختیایي ادارې UNDP مرستيال، د کابل پوهنتون استادانو، د اړوند دولتي ادارو استازو او مدني ټولنو غړیو ګډون کړی وو.
په غونډه کې افغانستان لپاره د کوچنیو مالي مرستو پروګرام د اوومې برخې څلورکلنې سټراتېژۍ جوړولو په موخه بحث وشو او له نوماندو مدني بنسټونو څخه یو بنسټ د کمېټې له خوا غوره شو او پرېکړه وشوه چې تړون دې ورسره لاسليک او تخنيکي مسایل دې مخ ته يوړل شي.
د ناستې په دويمه برخه کې د غرني پړانګ د ساتنې په اړه شپږ پيشنهادي طرحې چې د مدني ټولنو لخوا واړنديز شوې وې، معلوماتي پرزینتېشنونه وړاندې شول او د کمیټې غړو له یادو طرحو څخه درې هغه غوره کړې او په اړه یې نظريات وړاندې کړل او پرېکړه وشوه چې راتلونکې غونډه کې به له بياکتنې وروسته هغه طرحې چې معيارونه يې پوره کړي وي انتخاب شي.
د يادونې وړ ده چې د کوچنیو مالي مرستو پروګرام SGP پروژې چې د چاپېريالي اسانتياوو نړيوال پروګرام GEF لخوا تمويل کېږي، د ملګرو ملتونو پراختيايي پروګرام UNDP په تخنیکي همکارۍ به د چاپېريال ساتنې ملي ادارې له خوا پلي شي.