وروستی
ننګرهار کې د اقليمي بدلون د ستراتيژۍ د بيا کتنې په هکله دوه ورځنی مشورتي ورکشاپ ترسره شو
۱۴۴۶کال د جمادي الثاني ۹مه/ ننګرهار
د ننګرهار ولایت د چاپېریال ساتنې ریاست او رها موسسې په ګډه
همکارۍ د افغانستان اقليمي بدلون د ستراتيژۍ د بيا کتنې په هکله دوه ورځنی روزنيز
او مشورتي ورکشاپ جوړ شوی و چې پکې د ننګرهار مرستيال والي، د ننګرهار، کونړ،
لغمان او نورستان ولایتونو د چاپېریال ساتنې رئيسانو او کارکوونکو، د پوهنتونونو
استادانو، کرنې، اوبو لګولو او مالدارۍ ریاست استازي ګډون کړی.
یاد ورکشاپ د قرانکريم مبارکو اياتونو په تلاوت پیل او ورپسې
د ننګرهار ولایت د چاپېریال ساتنې رئيس قاري احساس الله مختار د ګډونوالو هرکلی وکړ
او غوښتنه یې وکړه چې له اقلیمي بدلون سره د مبارزې او سازښت په تړاو باید داسې
ستراتيژي جوړه شي چې ډېره ګټوره او مؤثره
وي.
د ننګرهار مرستيال
والي عزيز الله مصطفی په خپلو خبرو کې وویل چې مونږ د ځنګلونو وهل په کلکه بند کړي
او که چا ووهل نو قانوني چلند به ورسره کېږي.
د ورکشاپ په لړ کې د چاپېریال ساتنې ملي ادارې د اقلیمي
بدلون ریاست متخصصینو له خوا د اقليمي بدلون اړوند هر اړ خيز معلومات وړاندې شول
او د چاپېریال ساتنې ملي ادارې د رهبرۍ پيغام يې ګډونوالو ته ورساوه، د رها مؤسسې
مرستیال انجنیر عزت الله صديقي د اقليمي بدلون په اړه هر اړخيز معلوماتي پريزنټيشن
وړاندې کړ.
ددې ورکشاپ په لړ کې به د اقليمي بدلون پر ستراتيژۍ د ګډونوالو
له لوري هر اړخيز بحث او مشوري وشي ، د اړوندو ادارو تر سلا او مشورو وروسته به د
هغوی د نظرونو او وړاندیزونه مطابق پرې بیا کتنه وشي.