وروستی
لغمان کې ۵۶۰وزره مختلف الوتونکي د ښکاریانو له منګولو خلاص او ازاد شول
۱۴۴۶کال د شعبان ۱۸مه/لغمان
د ښکار د مخنیوي کمپاین پر دوام د لغمان ولايت دچاپېريال ساتنې رياست مفتشینو د
امنیتي مسولینو په همغږۍ د ریاست الوزراء عالي مقام د (١١٤) ګڼه حکم د تطبیق،
ایکوسیستم د احیاء، الوتونکو د نسلونو د ساتنې، زیاتوالي او نړۍوالو کنوانسیونونو
ته د ژمنتیا په موخه د مهترلام بابا په دښته کې (٥٦٠) وزره مختلف النوعه مهاجر
الوتونکي: (قزلاق، یارمخچ، اګن او ټیقال) د ښکاریانو له منګولو خلاص او بېرته طبیعت
ته ازاد شول.
د مسوولینو له لوري د ښکاریانو لهخوا جوړ شوي استوګنځایونه، وسایل او مورچلې له
منځه یوړل شول او ښکاریانو ته خبرداری ورکړل شو چې له ښکار کولو څخه لاس په سر شي
او که بیاځلي د ښکار کولو په تور ونیول شول له جدي قانوني چلند سره مخ شي.
د یادونې وړ ده چې دا مهال ۱۴۹وحشي ډولونه د
افغانستان د ساتنې وړ وحشي ډولونو په نوملړ کې شامل شوي دي چې نسل یې د ورکېدا له
ګواښ سره مخ دی.
په دې وحشي ډولونو کې ۸ډوله نباتات، ۱ډول حشره، ۴ډوله خزندهګان، ۱ډول ذوحیاتین، ۵۷ډوله الوتونکي، ۷۶ډوله تيلرونکي ژوي او ۲ډوله کبان شامل دي.
د ا.ا.ا. د مشرتابه د حکم په اساس په ټول افغانستان کې د ذکر شوو ډولونو ښکار او
قاچاق په مطلق ډول بند دی؛ که هر څوک دې امر څخه سرغړونه وکړي د قانون منګولو ته
سپارل کيږي.
