وروستی
د چاپېریال ساتنې ملي ادارې کارکوونکو ته د اجرااتو د ارزونې یو ورځنی روزنیر پروګرام جوړ شو
۱۴۴۶کال د شعبان ۱۸مه/کابل
د چاپېریال ساتنې ملي ادارې د کارکوونکو چارو ریاست او د اداري اصلاحاتو او ملکي
خدمتونو ادارې په ګډه همغږۍ او همکارۍ نن د روان ۱۴۰۳کال د سلواغې په ۲۹مه نېټه د دې ادارې د
کول حشمت خان غونډو په تالار کې د اجرااتو د ارزونې تر عنوان لاندې د یو ورځني
روزنیز پروګرام په لړ کې هر اړخیز معلوماتي پرزنټېشنونه وړاندې شول چې پکې د دې
ادارې ټولو کارکوونکو ګډون کړی وو.
غونډه د قران عظیم الشان مبارکو ایتونو په تلاوت پیل شوه ورپسې د دې ادارې د
کارکوونکو چارو رئیس مولوي اسدالله جمشید د اسلام له نظره د کارکوونکو د ارزونې په
هکله هر اړخیزې خبرې وکړې او ټینګار یې وکړ چې د کارکوونکو ارزونه باید د عدالت،
انصاف او امانت په نظر کې نیولو سره ترسره شي. ده وویل: د ارزونې موخه باید اصلاح
وي او له شخصي تمایلاتو باید ډډه وشي او هغه څوک چې ښه کار کوي هغه باید تشویق شي.
د ملکي خدمتونو د پالیسیو او حقوقي چارو ریاست مرستیال عزت الله امان د کارکوونکو
د اجرااتو د ارزونې او نه ارزونې د ګټو او زیانونو په هکله هر اړخیز وینا وکړه.
د غونډې په لړ کې د تخنیکي ټیم له لوري د ارزونې پروسې په تړاو هر اړخیز معلوماتي
پرزنټېشنونه وړاندې شول او په پای کې د کارکوونکو پوښتنو ته ځوابونه ورکړل شول.
