وروستی
د چاپېریال ساتنې ملي ادارې عمومي رئيس هرات ولایت ته د سفر پرمهال د هرات والي سره ولیدل
۱۴۴۶کال د شعبان ١٨ مه/
هرات
د
چاپېریال ساتنې ملي ادارې عمومي رئيس مولوي مطيع الحق خالص او ورسره پلاوي هرات
ولایت ته د خپل سفر پرمهال د هرات والي شيخ نور احمد اسلام جار سره ولیدل.
د
یادي ليدني پرمهال هرات والي د چاپېریال ساتنې ملي ادارې عمومي رئیس او ورسره
پلاوي ته ښه راغلاست ووایه او ورته یې د هرات ولایت د چاپېریالي وضعیت په اړه هر
اړخیز معلومات وړاندي کړه.
د
چاپېریال ساتني ملي ادارې عمومي رئیس ښاغلي مولوي مطیع الحق خالص وویل هرات ته یې
له سفر څخه موخه په یاد ولایت کې د چاپېریالي وضعیت د ارزوني په تړاو د کنفرانس
جوړول، د نيالګيو کېنولو ملي برنامې پیلول، د صنعتکارانو سره د فعالیتونو په اړوند
د غونډي په لاره اچول او په ټوله کې د هرات ولایت د چاپېریالي وضعیت ارزونه شامل
ده چې ددې سفر په اجنډا کې نيول شوې.
ښاغلي
خالص همداراز اقلیمي بدلون منفي تاثیراتو ته په اشارې وویل افغانستان یو له هغو هېوادونو
څخه شمېرل کیږي چي د اقلیمي بدلون سخت ځپلی او په دې برخه کې حکومت پر ګڼو طرحو
کار پیل کړی چې له اړونده نړیوالو بنسټونو او مؤسساتو سره شریک شوي او لاهم هڅي
رواني دي.
نوموړي
وویل هرات يو صنعتي ولایت دی زموږ هڅه داده چې صنعت له چاپېریال سره په همغږۍ رشد
وکړي او د هغوی فعالیت له اصولو سره سم مخته یوړل شي.
د
هرات والي شيخ نور احمد اسلام جار د چاپېریال ساتنې ملي ادارې عمومي رئیس ته د
بشپړي همکارۍ ډاډ ورکړ او خپل نظریات او غوښتنې یې ورته وړاندې کړې.