وروستی
د چاپېریال ساتنې ملي ادارې عمومي رئیس د هرات د چاپېریال ساتنې ریاست له کارکوونکو سره وکتل
١٤٤٦کال د شعبان ١٨ مه/ هرات
د
چاپېریال ساتنې ملي ادارې عمومي رئیس مولوي مطیع الحق خالص د خپل رسمي سفر په ترڅ
کې د هرات ولایت د چاپېریال ساتنې ریاست له کارکوونکو سره وکتل او پر اړوند مسایلو
یې بحث او خبري وکړې.
په
دې لیدنه کې د هرات د چاپېریالي ستونزو ارزونه وشوه او د چاپېریال د وضعیت د ښه
والي لپاره د ګډو هڅو پر اهمیت ټینګار وشو.
د
چاپېریال ساتنې ملي ادارې عمومي رئیس د طبیعي منابعو د ساتنې، اقلیمي بدلون منفي
تاثیراتو او د ککړتیا د کمولو په برخه کې د خلکو او امارتي ادارو د رول پر اهمیت
ټینګار وکړ او ژمنه یې وکړه چې د موجوده ستونزو د حل لپاره به اړین اقدامات ترسره
کړي.
ښاغلي
خالص له کارکوونکو څخه غوښتنه وکړه چې هېواد او خلکو ته په ايماندارۍ او ریښتنولۍ
خدمت وکړي او له هیڅ ډول زحمت څخه دریغ و نه کړي.
د
هرات د چاپېریال ساتنې رئیس مولوي عبدالعلي متقي د دې ولایت د چاپېریالي وضعیت په
اړه خپل راپورونه وړاندې کړل او د چاپېریالي برنامو د پلي کېدو لپاره یې د لا
زیاتو همکاریو غوښتنه وکړه.
دغه
لیدنه د چاپېریال ساتنې ملي ادارې د هغه پلان یوه برخه ده، چې هدف یې په بېلابېلو
ولایتونو کې د چاپېریالي وضعیت ارزونه او ښه والی دی.