وروستی
د کابل ښار مرکزي ناحیو او جمعه محمدی صنعتي پارک کې د ۸۶ تولیدي شرکتونو او مختلفو اصنافو له فعالیتونو څارنه وشوه
۱۴۴۶کال د شعبان ۲۴مه/ کابل
د چاپېریال ساتنې ملي ادارې مرکزي مفتشینو لخوا کابل ښار کې د هواککړتیا راکمولو، مخنیوي
او چاپېریالي اصولو د تطبیق په موخه د کابل ښار مختلفو ناحیو (۲-۳-۵-۶-۸-۱۱) او جمعه محمدي صنعتي
پارکونو کې د ۸۶
مختلفو تولیدي شرکتونو: (درمل جوړولو، پلاستیکي توکو، پلاسکو لوښو او خوراکي توکو؛
همداراز مختلفو اصنافو (روغتونونو، کلینیکونو، لابراتوارونو، هوټلونو، لبنیات
پلورنځیو، نانوایانو، قصابیو، حمامونو، موټر شویي او کلچه پزیو) د فعالیتونو له څرنګوالي
او چاپېریالي وضعیت څارنه وشوه.
د څارنې په لړ کې د ذکر شوو فعالیتونو مسوولینو ته موجوده
چاپېریالي ستونزې او نیمګړتیاوې ور وښودل شوې، د چاپېریالي چارو مفتشینو لخوا ورته
ته د چاپېریال قانون، مقرراتو او طرزالعملونو په هکله معلومات او پوهاوی ورکړل شو
او سپارښتنې ورته وشوې چې خپل فعالیتونه د چاپېریالي اصولو او مقرراتو مطابق عیار
او ترسره کړي.
هغه فابریکې، تولیدي شرکتونه او اصناف چې د دود د تصفیې فلټرونه
یې غیر فعال، ویجاړ او یا هم د اوبو، هوا او خاورې د ککړتیا لامل وګرځي، له قانوني
چلند سره به مخ شي.
د چاپېریال ساتنې ملي ادارې نظارتي ټیمونه په مرکز او ولایتونو
کې د هواککړوونکو سرچینو څخه په دوامداره توګه څارنه کوي او هغه څوک چې له چاپېریالي
اصولو څخه سرغړونه کوي د قانون منګولو ته یې سپاري.