وروستی
زرنج ښار کې د نیالګیو کېنولو ملي کمپاین پیل شو
۱۴۴۶کال د رمضان المبارک ۹مه/ نیمروز
د نیمروز ولایت د
چاپيريال ساتنې رياست لخوا په زرنج ښار کې د نيالګيو کېنولو ملي کمپاين پیل
شو. په دې مراسمو کې سیمه ییزو مقاماتو او مسوولینو هم ګډون کړی وو.
د نيمروز ولايت د چاپېريال ساتنې رئيس مولوي حبيبالله
"مظهري" د هوا ککړتيا د مخنيوي په برخه کې د نيالګيو کېنول اړين وبلل او
زياته يې کړه چې د نيالګيو په کېنولو سره چاپېريال زرغون او سمسور کېږي او د ډول ډول
ناروغيو مخه هم نيول کېږي.ده وویل: د چاپېریال ساتنې ملي ادارې د چاپېریال ساتنې
لپاره په ټول هېواد کې د نیالګیو کېنولو ملي پروسه پېل کړې ده او دې ادارې د نیمروز
لپاره د ۳۰۰۰
نیالګیو سهمیه ټاکلې ده چې د روستاي مؤسسې لخوا مرسته شوي دي.
د نیمروز ولایت د چاپیریال ساتنې رئيس په وینا، ۱۰۰۰ نیالګي د زرنج ښاروالۍ او ۲۰۰۰ نیالګي
د همدې ولایت امارتي ادارو، ښوونځیو او مدرسو ته ویشل کېږي.
په ورته مهال د زرنج ښار اوسېدونکو د نیالګیو کینولو د پروسې
له پېل څخه خوښي څرګنده کړه او د اسلامي امارت د مسؤولینو سربېره له ښاریانو یې
وغوښتل چې په خپل چاپیریال کې نیالګي کېنوي ځکه چې د نیالګیو کېنول د ناروغیو مخه
نیسي او د ښار په سمسورتیا کې ارزښتناکه رول لوبوي او له ښاريانو يې وغوښتل چې د
نيالګيو ايښودلو ته پاملرنه وکړي. دوی همدا راز زیاته کړه، چې هر اوسيدونکي ته
لازمه ده چې د ښار د زرغونولو لپاره یو یو نیالګی کېنوي.