وروستی
د اقلیمي بدلون او ټولنیز یووالي په تړاو دوه ورځنی ورکشاپ جوړ شو
١٤٤٦کال د رمضان المبارک ٢٦مه/ کابل
د چاپېریال ساتنې ملي ادارې او د جنيوا کال سازمان په ګډو هڅو
د اقلیمي بدلون او ټولنیز یووالي په تړاو دوه ورځنی ورکشاپ جوړ شو.
دغه ورکشاپ چې د ۱۴۰۴ کال د وري میاشتې په ۶مه پرانیستل شو، د مختلفو
امارتي ادارو استازو، د پوهنتون استادانو او متخصصینو ګډون کړی و.
د ورکشاپ په پیل کې په افغانستان کې د جنيوا کال نړیوال
سازمان مشري لوشا هیریکسن وینا وکړه.
نوموړي وویل د ورکشاپ هدف د اقلیمي بدلون له امله رامنځته
شویو ننګونو پیژندل، د اغېزو کمولو لپاره د همغږۍ میکانېزمونه رامنځته کول او د ټولنیز
یووالي پیاوړتیا ده.
اغلي هیریکسن زیاته کړه موږ د افغانستان اسلامي امارت سره
په همغږۍ بشرپاله فعالیتونه وړاندي کوو او له ٢٠٢٣ کال وروسته په ځانګړې توګه د
اقلیمي بدلون په برخه کې کار پیل کړی او همدارنګه پر دې هم کار کوو چې څنګه کولی
شو په افغانستان کې د اقلیمي بدلون منفي تاثیرات راکم کړو.
د چاپېریال ساتنې ملي ادارې په استازیتوب د یادي ادارې د طبیعي
ميراثونود ساتنې رئیس حامدصافي وینا وکړه: ده وویل"اقلیمي بدلون یوازې یو طبیعي
پدیده نه ده، بلکې دا ټولنیزې اغېزې هم لري، چې باید ورته پراخ تمرکز وشي."
نوموړي زیاته کړه چې دا ډول ورکشاپونه د عامه پوهاوي او پالیسۍ جوړونې لپاره ډېر ګټور
تمامېږي.
ښاغلي صافي څرګنده کړه چې د چاپېریال ساتنې ملي ادارې د هېواد
په کچه NDC یا د
ملي مشارکت سند چمتو کړی چې په هغه کې د افغانستان ټولي اړتیاوي او ستونزي په پام
کې نيول شوي.
صافي وویل دا ورکشاپ به د ګډونوالو ترمنځ د تجربو شریکولو،
د نظریاتو را ټولولو او راتلونکو همکاریو لپاره یوه غوره زمینه برابره کړي.
وروسته له اجنډا سره سم ورکشاپ پیل شو او جوړ شوي پرزنټېشنونه وړاندي شول.