وروستی
لغمان کې د ښکار د مخنیوي کمپاین په ترڅ کې د مارغانو او کبانو د ښکار وسایل ضبط شول
۱۴۴۶کال د شوال ١٠مه/لغمان
د وحشي ژوو، مارغانو او کبانو د بې رحمانه ښکار د مخنیوي او
د افغانستان اسلامي امارت ریاست الوزرا عالي مقام د (۱۱۴) ګڼه حکم د پلي کولو په پار د
لغمان ولایت د چاپېریال ساتنې ریاست مسوولینو له لوري د ښکار د مخنیوي په موخه
لغمان ولایت کې دپیل شوي کمپاین پر دوام په عمرزیو، شیر ګر، قصابان، اوسلطان ښکاري سیمو کې نظارت ترسره شو چې په پایله کې یو
شمیر ښکاري وسایل یې ضبط او بیا وروسته د ښکاریانو په حضور کې دښکار وسایل وسوزول
شول
د لغمان ولایت د چاپېریال ساتنې ریاست د ښکار د مخنیوي
لپاره په تیر ښکاري موسم کې هم پراخه کمپاین ترسره کړی و او د ښکار د مخنیوي لپاره
یې په مکرر ډول له ټولیزو او ټولنیزو رسنیو، اعلامیو، غونډو او خبرتیاوو له لارې
خلکو ته عامه پوهاوی ورکړی، همدارنګه د ټولو ولسوالیو اړوندو همکارو ملکي او نظامي
ادارو ته هم د ښکار د مخنیوي لپاره د لازمو اجراآتو د ترسره کیدو په موخه رسمي پاڼې
لیږل شوې دي، تر څو د هیواد طبیعي سرمایه خوندي پاتې شي.
د یادونې وړ ده چې د ا.ا.ا ریاست الوزرا عالي مقام د ١١٤ ګڼه
حکم په اساس ټول افغانستان کې د وحشي ژوو، مارغانو او کبانو ښکار بند دی او که
هرچا له دې امر څخه سرغړونه وکړه د قانون منګولو ته سپارل کیږي.
