وروستی
د چاپېریال ساتنې ملي ادارې کارکوونکو ته اصلاحي وینا وړاندې شوه
۱۴۴۶کال د شوال
۱۹نېټه/ کابل
د چاپېریال ساتنې ملي ادارې د دعوت او ارشاد ریاست له لوري
د اصلاحي ویناوو په لړ کې نن پنج شنبه د ۱۴۰۴کال د وري په ۲۸مه نېټه د دې ادارې ټولو
مسوولینو او کارکوونکو ته د الهي اوامرو د اطاعت او په پوره اخلاص سره د کارونو د
ترسره کولو په هکله د چاپېریال ساتنې ملي ادارې مالي او اداري معین مولوي سعدالدین
سعید لخوا هر اړخیزه اصلاحي وینا وړاندې شوه.
غونډه د قران کریم مبارکو ایتونو په تلاوت پیل شوه ورپسې د
دې ادارې مالي او اداري معین مولوي سعدالدین سعید هر اړخیزه اصلاحي وینا وکړه او
په خپلو خبرو کې یې وویل: موږ ټول باید د الله تعالی د احکامو او نبي کریم (ص) د
اقوالو او افعالو مطابق خپل ژوند برابر کړو. ده زیاته کړه چې موږ په خپل دین کې
واضح تګلاره لرو او خپل ژوند باید د هغې مطابق عیار کړو.
نوموړي ګډونوالو ته سپارښتنه وکړه چې د خپلو مشرانو اطاعت
وکړي او خپل کارونه پر وخت او پوره اخلاص سره ترسره کړي.
د غونډې په لړ کې د دې ادارې د دعوت او ارشاد ریاست سرپرست
او ملا امام له ټولو مسولینو او مامورینو وغوښتل چې خپل سیرت او صورت د الهي
ارشاداتو مطابق برابر کړي او په خپل ورځني ژوند کې د امر باالمعروف او نهی عن
المنکر قانون پلی کړي.