وروستی
خوست کې د ۲روغتونونو د چاپېریالي وضعیت ارزونه ترسره شوه
۱۴۴۶کال د شوال ۲۵مه/ خوست
د خوست ولایت د چاپېریال ساتنې رئیس قاري شریف الله مهاجر
په مشرۍ نظارتي ټیم لخوا خوست ښار کې د دوو روغتونونو د چاپېریالي وضعیت څارنه او
ارزونه ترسره شوه.
په دې ارزونه کې د روغتونونو شنې ساحې، د پاکوالي او صفايي
حالت، د طبي او غیر طبي کثافاتو د راټولولو، ساتلو او انتقال طریقه، د فاضلابو د ویستلو
سیسټم، د داخلي هوا کیفیت او غږیزي ککړتيا کچه، د حفظالصحې د وسایلو موجودیت، د
کارکوونکو د چاپېریالي پوهاوي کچه او د ناروغانو د استوګنې ځایونه له نږدې وکتل
شول.
د نظارت په پایله کې د روغتونونو مسئولینو ته لازمې سپارښتنې
وشوې، ترڅو چاپېریالي اصول په پوره ډول رعایت شي او د روغتیايي خدمتونو کیفیت نور
هم لوړ شي.
د چاپېریال ساتنې ریاست ژمن دی چې دا ډول ارزونې به
دوامداره وي؛ ترڅو د چاپېریال د خوندیتوب، د عامې روغتیا د ښه والي، او د خلکو پر
ژوند د ناوړه اغیزو راکمولو لپاره مؤثر ګامونه پورته کړي.