وروستی
په خوست او کونړ کې د چاپېریال ساتنې ریاستونو د بیلابیلو فعاليتونو چاپيريالي څارنه ترسره کړه
١٤٤٦کال د شوال ٢٦مه/ خوست او کونړ
د خوست او کونړ ولایتونو د چاپېریال ساتنې ریاستونو د نظارت
او تفتیش ګډو ټیمونو د ښارونو اړوندو سیمو څخه چاپېریالي نظارت ترسره کړ.
په خوست ولایت کې د دوهمې او درېیمې ناحیو اړوند د قصابیو
دکانونو د حفظالصحې وضعیت، د ککړونکو سرچینو کنټرول، او د چاپېریالي رهنمودونو
تطبیق ارزول شوی. د صنفونو مسؤولینو ته د نیمګړتیاوو په اړه سپارښتنې وړاندې شوې
او د تطبیق ژمنه واخیستل شوه.
مسولینو ټینګار وکړ چې د چاپېریال ساتنې اصولو رعایت الزامي
دی، او له سرغړونکو سره به قانوني چلند کېږي.
په ورته وخت کې، د کونړ ولایت د چاپېریال ساتنې ریاست د
اسعداباد ښار شپږ مستري خانې چې چاپېریالي اجازهلیکونه یې نه درلودل، د موقتي بندېدو
سره مهرلاک کړې. مسؤولینو ته سپارښتنه وشوه چې تر قانوني اجازهلیک اخیستو پورې،
خپل فعالیتونه بند وساتي.
دغه اقدامات د چاپېریال د خوندیتوب، د هوا، اوبو او خاورې د
ککړتیا مخنیوي، او د قانون د تطبیق لپاره ترسره شوي دي.