وروستی
کندهار، ننګرهار، کونړ او خوست کې د ۵۹فعالیتونو د چاپېریالي وضعیت څارنه او ارزونه ترسره شوه
۱۴۴۶کال د شوال ۲۸مه/ کندهار-ننګرهار-کونړ-خوست
د فعالیتونو د چاپېریالي وضعیت د ارزونې او چاپېریالي اصولو
د تطبیق په موخه د کندهار، ننګرهار، کونړ او خوست ولایتونو د چاپېریالي چارو مفتشینو
له لوري په یادو ولایتونو کې د ۵۹مختلفو
صنعتي او صنفي فعالیتونو د چاپېریالي وضعیت څارنه او ارزونه ترسره شوه.
د دې ادارې مفتشینو د کندهار ښار مختلفو ناحیو کې د ۲۹ مختلفو تولیدي فابریکو او
اصنافو، جلال اباد صنعتي پارک کې د مرمر ډبرو او شوکاڼي د پروسس فابریکو، اسعداباد
کې د ۲۷مختلفو
اصنافو او همداراز خوست ښار کې د مالګې تولیدي فابریکې د فعالیتونو له څرنګوالي او
چاپېریالي وضعیت د ارزونې په پار څارنه وکړه او د ذکر شوو فعالیتونو مسوولینو ته یې
د چاپېریالي قانون او مقرراتو په هکله لازم معلومات او پوهاوی ورکړ.
د څارنې پر مهال د یادو فعالتونو شاوخوا چاپېریال، د ککړتیا
د مخنیوي تدابیرو څرنګوالی، د حفظالصحې اصولو رعایت، د کارکوونکو د شخصي یونیفورم
حالت، او د شنو ساحو د وضعیت او موجودیت ارزونې وشوې، موجوده نیمګړتیاوې په نښه شوې
او مسوولینو ته لازمې لارښوونې او سپارښتنې وشوې.
چاپېریال ساتنه د هر وګړي فردي مسوولیت دی، که هر څوک د
اوبو، هوا او خاورې ککړتیا لامل شي د قانون منګولو ته به وسپارل شي.