وروستی
د طبي پاتې شونو د تنظیم په موخه لښکرګاه کې له یو شمېر روغتونونو څارنه وشوه
۱۴۴۶کال د شوال ۲۹مه نېټه/ هلمند
د هلمند ولایت د چاپېریال ساتنې ریاست په مشرۍ د طبي پاتې
شونو د تنظیم کمیسیون لخوا لښکرګاه ښار کې د یو شمېر روغتونونو او کلینیکونو د
فعالیتونو له څرنګوالي او چاپېریالي وضعیت څارنه ترسره کړه.
د نظارت په لړ کې د روغتونونو د بیلابیلو برخو څخه څارنه
ترسره سوه او مسوولینو ته یې په خوندي ډول د طبي کثافاتو او پاتې شونو د انتقال په
هکله معلومات ورکړل شول او سپارښتنه ورته وشوه چې له احتیاط څخه کار واخلي؛ ترڅو د
طبي پاتې شونو له اضرارو څخه خلک په امان وي. همدارنګه ټول روغتونونه باید د خپلو
طبي کثافات د لېږد په اړه له خصوصي شرکت سره قرارداد وکړي او طبي زبالې په معیاري ډول
له منځه یوسي.
د یادونې وړ ده چې یو شمېر کلینیکونه چې فعالیتونه یې د چاپېریالي
اصولو خلاف وو، د اصلاحاتو تر راوستو د کمیسون لخوا وتړل شول.
