وروستی
په غزني کې د " چاپېریال ساتنې" تر عنوان لاندې سلګونو زدکوونکو ته عامه پوهاوی ورکړل شو
١٤٤٦کال د ذوالقعدې٧مه/ غزنی
د غزني د چاپېریال ساتنې ریاست د روان کال د پلان له مخې،
په متوسطه ښوونځي کې د “چاپېریال ساتنې” تر عنوان لاندې عامه پوهاوي غونډه ترسره کړه.
په دغه پروګرام کې نږدې ۶۰۰
تنو زدهکوونکو ګډون کړی و.
زدهکوونکو ته د چاپېریال د ارزښت، د پاکوالي ساتنې، د اوبو
د سپما، او د شنو ساحو د پراختیا په اړه هر اړخیز معلومات ورکړل شول. د ښوونځي مدیریت
او ښوونکو د یادې غونډې هرکلی وکړ، خپله خوښي یې څرګنده کړه او ژمنه یې وکړه چې د ښوونځي
چاپېریال به پاک او سمبال ساتي.
سربېره پر دې، د اطلاعاتو او عامه پوهاوي عمومي مدیریت له
لوري چاپ شوي ۲۰۰
بروشورونه چې “د اسلام له نظره د نیالګیو کېنولو ارزښت” تر سرلیک لاندې چمتو شوي
وو، پر زدهکوونکو وویشل شول. همداراز، د چاپېریالي پیغامونو بینرونه د ښوونځي اړوند
ساحو کې نصب شول.
د غزني د چاپېریال ساتنې ریاست د دې ډول پروګرامونو د دوام
ژمنه کوي، تر څو د ټولنې د هر قشر، په ځانګړي ډول د ځوان نسل، چاپېریالي پوهاوی لوړ شي.