وروستی
غزني، میدانښار او ننګرهار کې د یو شمېر فعالیتونو د چاپېریالي وضعیت ارزونه وشوه
۱۴۴۶کال د ذوالقعدې ۱۵نېټه/ غزني-میدان وردګ-ننګرهار
د صنعتي او صنفي فعالیتونو د چاپېریالي وضعیت د ارزونې په
موخه د غزني، میدان وردګو او ننګرهار ولایتونو د چاپېریال ساتنې ریاستونو مفتشینو
له لوري د غزني ښار مختلفو ناحیو کې ۲۲ګچ
پزیو، ۳ریګریشنونو،
د تیزابو رقیق سازۍ شرکت، ۱۰هوټلونو،
د معدني اوبو تولیدي شرکتونو او کلچه پزیو؛ میدانښار کې د جوس او پاپړو تولیدي
فابریکو او همدا راز جلال اباد کې د تورخم عمري کمپ د نظافت او چاپېریالي خدمتونو
ارزونه او څارنه ترسره شوه.
د چاپېریالي چارو مفتشینو له لوري موجوده چاپېریالي نيمګړتياوې
په نښه شوې او مسوولینو ته یې د اصلاح په موخه لازمې سپارښتنې وشوې چې هغوی هم د
اصلاح ژمنې وکړې.
د نظارت په لړ کې د چاپېریالي چارو مفتشینو له لوري د ذکر
شوو فعالیتونو مسؤولینو ته د چاپېریال قانون، مقرراتو او اصولو په هکله لازم
معلومات او عامه پوهاوی ورکړل شو او مشخصې لارښوونې او سپارښتنې ورته وشوې، تر څو
د چاپېریال له زیانمنیدو مخنیوی وشي.