وروستی
په ولایتونو کې د چاپېریالي اصولو د تطبیق په موخه څارنه او ارزونه ترسره شوه
١٤٤٦کال د ذوالقعدې٢١مه/ تخار، کندز، بامیان، هرات او نورستان
د چاپېریال ساتنې ریاستونو د هېواد په بېلابېلو ولایتونو کې
د چاپېریال د وضعیت د ښه والي، د ککړتیا د مخنیوي او د عامه پوهاوي د لوړولو په
موخه خپلو تفتیشي او نظارتي فعالیتونو ته دوام ورکړی دی.
په بامیان ولایت کې د چاپېریال ساتنې مفتشینو له ۱۰ نانواییو څخه لیدنه وکړه او
د حفظ الصحې، د سون توکو، د کثافاتو مدیریت او چاپېریالي معیارونو ارزونه یې وکړه،
اړوندو مالکینو ته لازمې سپارښتنې وشوې.
په کندز ولایت کې له څو فابریکو څخه نظارت وشو او مالکینو
ته هدایت ورکړل شو چې خپل فعالیتونه د چاپېریال د رهنمودونو مطابق عیار کړي او
قانوني جواز ترلاسه کړي.
په تخار کې د چاپېریال د پوهاوي ټیم له هوټلونو او
رستورانتونو له مسؤلینو سره لیدنه وکړه او د پاک چاپېریال د خوندي ساتنې په اړه
بحث او خبرې وشوې.
په هرات کې له شپږو صنعتي فابریکو تفتیش ترسره شو او ابتدایي
چاپېریالي ارزونه ترسره شوه. مالکین د چاپېریالي جواز اخیستو ته راجلب شول.
همداراز، په نورستان کې له یو شمېر اصنافو څخه لیدنه وشوه،
هغوی ته د لرګیو پر ځای د مایع ګاز کارونې توصیه وشوه، او هغو اصنافو ته چې د
جوازونو وخت يې پوره شوي وو، د نوي جواز اخېستو سپارښتنه وشوه.
د چاپېریال ساتنې ملي اداره ټينګار کوي چې دا ډول نظارتونه
به د هېواد په ټولو ولایتونو کې دوام ولري.