وروستی
د ترکیې سفیر: هېواد یې له افغانستان سره د چاپېریالي مسایلو په برخه کې بشپړ ملاتړ او همکارۍ ته چمتو دی
۱۴۴۶کال د ذوالقعدې ۲۱مه نېټه/ کابل
د چاپېریال ساتنې ملي ادارې عمومي رئیس مولوي مطیع الحق
خالص نن دوشنبه د ۱۴۰۴کال
د ثور په ۲۹مه
نېټه د ترکیې له سفیر ښاغلي جنک اونال سره په خپل کاري دفتر کې ولیدل.
د لیدنې په پیل کې د چاپېریال ساتنې ملي ادارې عمومي رئیس
مولوي مطیع الحق خالص د ترکیې سفیر هرکلی وکړ او پر مختلفو چاپېریالي مسایلو او د
اقلیمي بدلون په تړاو یې ورسره هر اړخیز بحث او خبرې وکړې.
عمومي رئیس په خپلو خبرو کې وویل: موږ له ترکیې سره تاریخي
او ښې اړیکې لرو او د اړیکې به نوري هم قوي کیږي او دوام به پیدا کوي.
ښاغلي خالص د (COP-29) نړۍوال
کنفرانس د پایلو په هکله خبرې وکړې او د ترکيې له سفیر څخه یې غوښتنه وکړه په (COP-30) کنفرانس کې چې په برازیل هېواد
کې جوړیږي، د افغان پلاوي د ګډون لپاره دې لابي او هڅې وکړي؛ ترڅو افغانستان ته پکې
بلنه ورکړل شي.
نوموړي زیاته کړه د اسلامي امارت په راتګ سره د افغانستان څه
باندې د ۸۰۰
میلیونو ډالرو په ارزښت چاپېریالې پروژې وځنډول شوې چې د نړۍوالو چاپېریالي فنډونو
لخوا تمویل کېدې، ښاغلي خالص غوښتنه وکړه چې د یادو پروژو د پیل لپاره دې همکاري
وکړي.
د چاپېریال ساتنې ملي ادارې عمومي رئیس د ترکیې له سفیر څخه
وغوښتل د افغانستان سره د چاپېریالي تجهیزاتو، د دې ادارې د کارکوونکو د ظرفیت لوړونې
او د تجربو د شریکولو په برخه کې دي لازمه مرسته او همکاري وکړي.
د ترکیې سفیر ښاغلي جنک اونال د چاپېریال ساتنې ملي ادارې
له عمومي رئیس څخه مننه وکړه او ژمنه یې وکړه هر هغه څه چې زموږ په توان کې وي
خپلو ګډو همکاریو ته به دوام ورکړو.
نوموړي زیاته کړه هېواد یې له افغانستان سره د چاپېریالي
مسایلو په برخه کې ملاتړ او همکارۍ ته چمتو دی او هڅه به یې داوي چې په چاپېریالي
او نورو مسایلو کې د افغانستان له حکومت سره مرسته او همکاري وکړي.
جنک اونال وویل موږ به ستاسو غوښتنې له خپل هېواد سره شریکې
کړو او هڅه به مو دا وي چې څنګه وکولی شو له اقلیمي بدلون سره د سازښت په برخه کې
خپلې تجربې، مشورې او مشترکې همکارۍ ته دوام ورکړو.
د لیدنې په پای کې هوکړه وشوه چې د دواړو خواوو ګډ تخنیکي ټیمونه
به پخپلو کې کار کوي او مشترکو همکاریو ته به دوام ورکړي.