وروستی
د چاپېریال ساتنې ملي اداره د رها مؤسسې په همکارۍ د افغانستان د چاپېریالي وضعیت د ارزونې راپور جوړوي
١٤٤٦کال د ذوالقعدې٢٢مه/ کابل
د چاپېریال ساتنې ملي ادارې عمومي رئیس مولوي مطیع الحق خالص او رها موسسې مشر
محمد یوسف حمیدیان له لوري د ۲۵۵زره
امریکایي ډالرو په ارزښت د افغانستان د چاپېریالي وضعیت د ارزونې راپور جوړونې او یو
شمېر چاپېریالي فعالیتونو د ترسره کولو په
تړاو د ګډې همکارۍ تفاهم لیک لاسلیک شو .
په دې راپور کې به د هېواد د چاپېریالي وضعیت د اوسني حالت ارزونه، ننګونې او وړاندیز
شوې حللارې په پام کې ونیول شي چې د یاد تفاهملیک پر بنسټ چمتو کیږي.
د رها موسسې رئیس وویل دا راپور به د څېړنو، سروې ګانو او مسلکي ارزونو پر بنسټ جوړ
شي، او له طبیعي منابعو، هوا، اوبو، ځنګلونو، خاورې، ښاري ککړتیا، او د اقلیم
بدلون پورې اړوند وضعیت به پکې په تفصیل سره تحلیل شي.
د چاپېریال ساتنې ملي ادارې عمومي رئیس ښاغلي خالص زیاته کړه "دا تفاهم لیک
موږ ته دا زمینه برابروي چې د یو خپلواک، علمي او مستند راپور له لارې د افغانستان
چاپېریالي ستونزې په ګوته او وڅېړو"
نوموړي وویل دا راپور به نه یوازې د امارتي ادارو لپاره یو مهم سند وي، بلکې نړیوالو
مرستندویه بنسټونو ته به هم د همکاریو لاره هواره کړي.
په راپور کې به د چاپېریالي ستونزو تر څنګ، د خلکو پر ژوند، کرنه، مالدارۍ، او
اقتصاد باندې د اقلیمي بدلون او چاپېریالي ستونزو اغېزې هم شاملې وي. دغه راز به وړاندیزونه
هم وشي چې څنګه په دوامداره د چاپېریال ساتنې لپاره ملي او سیمهییزې ستراتیژۍ
رامنځته شي.
عمومي رئیس څرګنده کړه تمه ده چې د راپور لومړنۍ مسوده تر راتلونکو شپږو میاشتو
بشپړه شي او د اړوندو ادارو او کارپوهانو سره تر شریکېدو وروسته خپره شي.
د یادونې وړ ده چې د یاد تفاهیم لیک له مخې به چاپېریالي پالیسۍ جوړولو لپاره لاره
هواره شي او راتلونکي کې به د یادو راپورونو د شننو او څېړنو پر بنسټ د چاپېریال
ساتنې په تړاو معیاري پالیسي جوړه شي.