وروستی
د هېواد په بېلابېلو ولایتونو کې د چاپېریال ساتنې څارنې، ارزونې او عامه پوهاوي فعالیتونه اجرا او تر سره شول
د
١٤٤٦کال کال د ذوالحجې ٧مه
د چاپېریال ساتنې ملي ادارې له لوري د هېواد په بېلابېلو
ولایتونو کې د چاپېریالي وضعیت د ښه والي په موخه د نظارت، تفتیش، ارزونې، او عامه
پوهاوي پراخ فعالیتونه ترسره شول.
په بدخشان، بامیان، بغلان، ننګرهار، میدان وردګو، او کاپیسا
ولایتونو کې د روغتونونو، هوټلونو، قصابیو، نانوایانو، تولیدي شرکتونو او د
استخراج معادنو له فعالیتونو څخه چاپېریالي څارنه وشوه.
په بدخشان کې د فیضاباد ښار یوه خصوصي روغتون ته د کلینیکي
زبالهوو د مصئون مدیریت سپارښتنې وشوې، بامیان کې له لسګونو هټیو، قصابیو او
رستورانتونو د حفظ الصحې او د فاضلاب سیستمونو وضعیت وارزول شو، او میدانښار کې د
لوی اختر په مناسبت د ښار پاکوالي حشر تر سره شو.
په ننګرهار کې د نفرایت کانونو له استخراجوونکو شرکتونو او
د وینځونکو توکو له یوې فابریکې څخه هم لیدنه وشوه او چاپېریالي سپارښتنې ورکړل شوې.
بغلان کې هم له یو شمېر اصنافو څخه نظارت ترسره شو او د چاپېریالي جوازونو د نوي
کولو لارښوونه وشوه. کاپیسا کې له قصابیو، نانویانو او خوراکه فروشیو څخه د چاپېریالي
اصولو تطبیق وڅارل شو.
د ټولو یادو شویو فعالیتونو پر مهال د چاپېریال ساتنې د ملي
ادارې د قانون، مقرراتو او رهنمودونو پر بنسټ سپارښتنې، تعهدنامې او قانوني اصول
عملي شوې. د ادارې مسؤلین له ټولو اصنافو، شرکتونو او فابریکو له مسوولینو غوښتنه
کوي چې خپل فعالیتونه له چاپېریالي معیارونو سره سم عیار کړي، ترڅو له ککړتیاو څخه
پاک او سالم چاپېریال برابر شي.