وروستی
د بېکيفيته تيلو د واردولو د مخنیوي په تړاو د حکومت د اطلاعاتو او رسنيو مرکز کې خبري کنفرانس ترسره شو
۱۴۴۶کال د ذوالحجې ۷مه/ کابل
نن چهارشنبه د ۱۴۰۴کال
د غبرګولي په ۱۴مه
نېټه د حکومت د اطلاعاتو او رسنیو په مرکز کې د بېکيفيته تيلو د واردولو د مخنیوي
په تړاو خبري کنفرانس ترسره شو چې پکې د چاپېريال ساتنې ملي ادارې مسلکي او پاليسي
معين ډاکټر ملا زين العابدين عابد او د اړوندو امارتي وزارتونو او ادارو لوړ پوړو
چارواکو او استازو ګډون کړی وو.
د دې خبري کنفرانس په لړ کې د مسولينو لهخوا هېواد ته د بې
کيفيته تيلو او نفتي توکو د واردولو د مخنیوي په تړاو هر اړخیزې ويناوې وړاندې شوې
او په ډاګه يې کړه چې د اسلامي امارت مشرتابه د حکم پر اساس سر له ننه د ټول هېواد
په بندرونو کې د بېکيفته تیلو او نفتي توکو واردول منع دي او که هر چا وارد کړل
له جدي اصولي چلند سره به مخ شي.
د چاپېريال ساتنې ملي ادارې مسلکي او پاليسي مرستیال ډاکټر
ملا زين العابدين عابد د بېکیفیته تیلو د ټولنیزو، چاپېریالي، اقتصادي او صحي
اضرارو په هکله هر اړخیزه وینا وکړه او په خپلو خبرو کې یې وویل: چې د هېواد چاپېریالي
وضعیت د بې کیفیته نفتي توکو د استعمال له امله زیانمن شوی، د ګلخانهیي ګازونو د
تولید کچه لوړه شوې او د اقلیمي بدلون لامل شوي دي.
ښاغلي عابد ټینګار وکړ چې د یوه سالم چاپېریال رامنځته کول
د ټولو هېوادوالو مشترک مسوولیت دی او ټول باید چاپېریال ساتنه کې برخه واخلي.
د کنفرانس په پای کې د مسوولینو لخوا د خبریالانو پوښتنو ته
هر اړخیز ځوابونه ورکړل شول او د دعایې په لوستلو پای ته ورسېده.