وروستی
د کابل ښار په مختلفو ناحیو کې د یو شمېر فعالیتونو د چاپېریالي وضعیت څارنه وشوه
۱۴۴۶ کال د ذوالحجې ۱۵مه/کابل
د اوبو، هوا او خاورې ککړتیا د مخنیوي په پار د کابل ولایت
د چاپېریال ساتنې ریاست نظارتي ټیمونو له لوري د نهمې ناحیې اړوند صنعتي پارکونو کې
د مرمر ډبرو د صنعتي فاضلابو د څرنګوالي؛ د نوشک په نوم معدني اوبو تولیدي شرکت؛ د
څارویو د خوراکي توکو تولیدي شرکت؛ د خیرخانې لب جر سیمې اړوند بهلول ولي په نوم د
فاضلابو د تصفیې شرکت د چاپېریالي وضعیت او فعالیتونو د څرنګوالي څخه نظارت ترسره
کړ.
د چاپېریالي چارو مفتشینو له لوري د ذکر شوو شرکتونو مسوولینو
ته د چاپېریالي اصولو د تطبیق په هکله لازم معلومات او پوهاوی ورکړل شو او سپارښتنې
ورته وشوې چې خپل فعالیتونه معیاري او د چاپېریال د ککړتیا مخنیوی وکړي.
د پاکو اوبو د ضایعاتو د مخنیوي په موخه د نوشک معدني اوبو
تولیدي شرکت مسوولینو ته سپارښتنه وشوه چې جذبي څاه دې جوړه کړي؛ ترڅو د اوبو د
اسراف مخه ونیول شي. همدا راز د بهلول ولي په نوم د فاضلابو د تصفیې شرکت لخوا
ناولې اوبه ویالې ته خوشې شوې وې چې له مسوولینو څخه لیکلې ژمنې واخیستل شوې او
سپارښتنه ورته وشوه که بیاځلي یې دا عمل تکرار کړ، عدلي او قضایي ارګانونو ته به
وسپارل شي.
د چاپېریال قانون د احکامو له مخې د هوا، اوبو او خاورې ککړول
جرم دی؛ هر هغه څوک چې د چاپېریال د ککړتیا لامل شي، د قانون منګولو
ته به وسپارل شي.