وروستی
د چاپېریال ساتنې ملي ادارې عمومي رئیس د بلخ ولایت د چاپېریال ساتنې ریاست له کارکوونکو سره وکتل
١٤٤٧کال د صفرالمظفر ٨مه/ بلخ
د چاپېریال ساتنې ملي ادارې عمومي رئیس مولوي مطیعالحق
خالص د خپل سفر په دوام د بلخ ولایت د چاپېریال ساتنې ریاست له کارکوونکو سره ځانګړې
غونډه وکړه.
د دې کتنې هدف د بلخ ولایت د چاپېریال ساتنې ریاست د کاري
وضعیت ارزونه، د کارکوونکو د نظریاتو او ستونزو اوریدل او د چاپېریال ساتنې د پروګرامونو
د تطبیق په لاره کې د موجوده ستونزو حلول و.
ښاغلي خالص د بلخ د چاپېریال ساتنې ریاست د کارکوونکو هڅې
وستایلې او ټینګار یې وکړ چې د طبیعي منابعو ساتنه، د عامه پوهاوي لوړول، د
کثافاتو مدیریت، او د چاپېریال د ککړتیا مخنیوی د دې ادارې د کارکوونکو له ژمنتیا
پرته شونی نه دی.
د بلخ د چاپېریال ساتنې رئیس مولوي شمس الدین خالد خپل نظریات،
وړاندیزونه او ستونزې عمومي رئيس ته وړاندې کړې او د تجهیزاتو، امکاناتو او د چاپېریال
ساتنې د برنامو لپاره یې د لا ډېر ملاتړ غوښتنه وکړه.
د بلخ د چاپېریال ساتنې رئیس ژمنه وکړه چې د خپل مسؤلیت په
چوکاټ کې به د صداقت او ایماندارۍ پر بنسټ خپلې دندې پرمخ وړي.
د غونډې په پای کې، د ادارې عمومي رئیس کارکوونکو ته سپارښتنه
وکړه چې خپلې دندې د قوانینو او لوایحو مطابق په ریښتنولۍ او مسؤلیت سره ترسره کړي.