وروستی
ولایتونو کې د یو شمېر فعالیتونو د چاپېریالي وضعیت څارنه وشوه
۱۴۴۷ کال د صفر ۱۱مه/خوست-کندهار-غزني
د خوست، کندهار او غزني ولایتونو د چاپېریال ساتنې ریاستونو
نظارتي ټیمونو له لوري د چاپېریالي اصولو د تطبیق په موخه په یادو ولایتونو کې د یو
شمېر فعالیتونو د چاپېریالي وضعیت څارنه وشوه.
د خوست ولایت د چاپېریال ساتنې رئيس قاري شریف الله مهاجر
په مشرۍ نظارتي ټیم لخوا د خوست ولايت د معتادينو اتیا بستريز روغتون او جهاد
افغان په نوم د طبي زبالو سوځولو انسینراتور د چاپیریالي وضعیت څارنه او ارزونه
ترسره شوه.
د کندهار ولایت د چاپېريال ساتنې رياست مسوولینو له لوري د
احمدشاهي جادې د خواجک بابا پروژې د فعالیتونو او په نهمه ناحیه کې د جادې پارک د
سرسبزۍ څارنه او ارزونه وشوه.
د غزني ولایت د چاپيريال ساتنې رئیس مولوي احمدالله عرفان
په مشرۍ نظارتي ټیم لهخوا د علي لالا صاحب په سیمه کې د مطمئن په نوم دیگ بخارو
او د سپید تتلي په نوم د غذایي توکو تولیدي شرکتونو د فعالیتونو د څرنګوالي او چاپیریالي
چارو ارزونه ترسره شوه.
د چاپېریالي چارو چارو مفتشینو لهخوا د نظارت په لړ کې د
ذکر شوو فعالیتونو مسوولینو ته د چاپیریال ساتنې، طبي کثافاتو د تنظیم او مدیریت،
حفظ الصحې ساتلو او چاپېریالي اصولو د تطبیق په پار لازمې سپارښتنې وکړې.