وروستی
مرکز او ولایتونو کې د هواککړوونکو سرچینو څخه په دوامداره توګه نظارت کیږي
۱۴۴۷ کال د صفر ۲۷مه/کابل-هرات-خوست-میدان وردګ-فاریاب
د کابل، هرات، خوست، میدان وردګو او فاریاب ولایتونو د چاپېریال
ساتنې ریاستونو نظارتي ټیمونو له لوري د هواککړتیا راکمولو او فعالیتونو کې د چاپېریالي
اصولو د تطبیق په موخه د یو شمېر فابریکو او کارخونو د چاپېریالي وضعیت څارنه وشوه.
د کابل ولایت د چاپېریال ساتنې ریاست مفتشینو له لوري د
کابل ۴ناحیې
اړند سیمو کې د ۵هوټلونو،
موټر شویانو، کلینیکونو او یو شمېر لابراتوارونو څارنه او ارزونه ترسره شوه او
مسوولینو ته د عامه پوهاوي ترڅنګ لازمې سپارښتنې وشوې.
د هرات ولایت د چاپېریال ساتنې ریاست مسوولینو له لوري د ښار
په مختلفو سیمو او انجیل ولسوالۍ کې د یو شمېر تولیدي فابریکو د چاپېریالي وضعیت څارنه
او ارزونه وشوه او د اصلاح په موخه یې مسوولینو ته لارښوونې وشوې.
د خوست ولایت د چاپېریال ساتنې رئیس په مشرۍ نظارتي ټیم
لخوا د اسماعیل خېلو او مندوزیو ولسوالی اړوند دوه سړکه بازار کې د معدني اوبو تولیدي
او یو شمېر کلچه پزیو د فعالیتونو د څرنګوالي څخه څارنه وشوه او مسوولینو ته یې د
حفظ الصحې د مراعتولو په هکله لازمې سپارښتنې وشوې.
د میدان وردګو ولایت د چاپیریال ساتنې رئیس مولوي الله محمد
ذاکر په مشرۍ نظارتي ټیم له لوري د بابا غره اړوند شاه فولادي سیمې د چاپېریالي
وضعیت څارنه او ارزونه ترسره شوه.
د فاریاب ولایت د چاپېریال ساتنې ریاست نظارتي ټیم له لوري
د ښار په مختلفو سیمو کې د یو شمېر مختلفو اصنافو د فعالیتونو د څرنګوالي څخه
نظارت وکړ او مسوولینو ته د اصلاح په موخه لازمې سپارښتنې وکړې.