وروستی
په خوست، ننګرهار او غزني ولایتونو کې چاپېریالي ارزونې ترسره شوې
١٤٤٧کال د صفرالمظفر ٢٩مه/ خوست و غزنی
د چاپېریال ساتنې ملي ادارې اړوند ریاستونو د خوست او غزني
په ولایتونو کې د اوبو، خاورې او هوا د ککړتیا د مخنیوي، د چاپېریالي جوازونو د څارنې
او د محیطي حفظالصحې د پیاوړتیا په موخه څارنې ترسره کړې.
په خوست ولایت کې د چاپېریال ساتنې ریاست په نوښت د بار وړونکو
موټرو د ترپال کارونې څارنه، د ولایتي روغتون د پښتورکو څانګې چاپېریالي وضعیت
ارزونه، د مفید تصفیه اوبو تولیدي شرکت ارزونه او د اړوند مسؤلینو سره د چاپېریالي
لارښوونو تبادله ترسره شوه. په دغو څارنو کې مسؤلینو ته د ککړتیا د مخنیوي، د طبي
کثافاتو د سمو لارو چارو او د روغتیایي معیارونو د پوره رعایت سپارښتنې وشوې.
په ننګرهار کې د پاک حميد رحيم د وینځونکو توکو تولیدي فابریکې
څخه لیدنه وشوه او له مسؤلینو څخه يې وغوښتل شول چې چاپېریالي اصول تطبیق او په
پام کې ونیسي.
په ورته وخت کې د غزني ولایت د چاپېریالي څارنې او پلټنې
عمومي مدیریت د خپلې طرحې پر بنسټ د لومړۍ ناحیې اړوند درې بابه کلچو پخلنځیو څخه څارنه
وکړه. د څارنې پر مهال د فردي او محیطي حفظالصحې وضعیت د پخوا په پرتله ښه وارزول
شو، خو مسؤلینو ته د چاپېریال ساتنې ملي ادارې د قانون او مقرراتو په رڼا کې لازمې
سپارښتنې وړاندې شوې. همدارنګه یو باب کلچو پخلنځي د چاپېریالي جواز په اخیستلو
مکلف شو.
د یادو څارنو مسؤلینو ډاډ ورکړی چې د چاپېریالي معیارونو او
مقرراتو په رعایت سره به خپل فعالیتونه پرمخ وړي.