وروستی
هرپروژه چې پلې کیږي باید د چاپېریال ساتنې اجازه لیک ترلاسه او چاپیریالي مسایل په نظر کې ونیسي
۱۴۴۷ کال د ربیع الاول ۱مه/ میدان وردګ
د میدان وردګو ولایت د چاپېریال ساتنې ریاست د عامه پوهاوي
د ځانګړي ټیم له لوري د ولایتي پرمختیایي کمېټې
(P.D.C) غونډې ګډونوالو ته چې د امارتي ادارو مسؤلینو
او مؤسساتو استازو پکې ګډون کړی وو چې د چاپېریال ساتنې ریاست د عامه پوهاوي ټیم
له لوري په پرمختیایي پروژو کې د چاپیریالي مسایلو د شاملولو په اړه د معلوماتي پرېزنټیشن
له لارې هر اړخیز معلومات شریک شول؛ ترڅو هره پروژه چې پلې کیږي مخکې له تطبیق څخه
باید چاپیریالي اجازه لیک ترلاسه کړي او چاپیریالي مسایل په نظر کې ونیسي، د غونډې
ګډونوالو ژمنه وکړه چې د پروژو له تطبیق څخه مخکې به چاپېریالي اجازه لیک ترلاسه
کوي او چاپیریالي مسایل او موضوعات به په خپلو پلانونو کې شاملوي.
