وروستی
د چاپېریال ساتنې ملي ادارې عمومي رئیس د کتاب له درې ورځني نندارتون څخه لیدنه وکړه
١٤٤٧کال د ربیع الاول دویمه/ کابل
د چاپېریال ساتنې ملي ادارې عمومي رئیس مولوي مطیع الحق
خالص د خاتم النبیین پوهنتون له جوړ شوي درې ورځني کتاب نندارتون څخه لیدنه وکړه.
په دې نندارتون کې چې د پوهنتون د فرهنګي او علمي پروګرامونو
په لړ کې د درې ورځو لپاره پرانیستل شوی بېلابېل درسي، علمي، څېړنیز او فرهنګي
کتابونه د زدهکوونکو او علاقهمندو لوستونکو د استفادې لپاره نندارې ته وړاندې
شوي دي.
د چاپېریال ساتنې ملي ادارې عمومي رئیس د نندارتون د
کتابونو او علمي آثارو له نږدې لیدنه وکړه او د پوهنتون له مسؤلینو او تنظیموونکو
سره یې د دغسې علمي او فرهنګي پروګرامونو د ارزښت او اغېزو په اړه خبرې وکړې.
مولوي مطیع الحق خالص په خپلو څرګندونو کې وویل چې د
کتابونو مینه او لوست د ټولنې د فکري ودې او معنوي سوکالۍ لپاره بنسټیز ارزښت لري.
نوموړي زیاته کړه چې د چاپېریال ساتنې ملي اداره د دیني او عصري علومو ترمنځ د اړیکو
ټینګښت ته ژمنه ده او د پوهنتونونو د فرهنګي او علمي فعالیتونو ملاتړ کوي.
نوموړي له محصلینو وغوښتل چې له کتاب لوستلو سره خپل علمي
ظرفیتونه لوړ کړي، د چاپېریال ساتنې په اړه پوهه زیاته کړي او د یوې سالمې او
پرمختللي ټولنې په جوړولو کې فعاله ونډه واخلي.