وروستی
په ۱۰ولایتونو کې د اقلیمي بدلون په هکله د خلکو د پوهاوي کچې معلومولو ارزونه بشپړه شوه
۱۴۴۷کال د ربیع الاول ۳مه/ کابل
د چاپېریال ساتنې ملي ادارې د اقلیمي بدلون رئیس انجنیر روح
الله امین په مشرۍ نن چهارشنبه د ۱۴۰۴کال
د سنبلې په ۵مه
نېټه د دې ادارې د بند امیر غونډو په تالار کې د هېواد په لسو ولایتونو کې د اقلیمي
بدلون په هکله د خلکو د درک او پوهاوي کچې معلومولو په تړاو د ترسره ارزونې په تړاو
د اړوندو ادارو له استازو سره مشورتي غونډه وشوه.
د دې ادارې په همکارۍ د اړیکو دفتر
(TLO) موسسې له لوري د (کابل، ننګرهار، کندز، بدخشان،
بلخ، دایکنډي، غزني، کندهار، هلمند او هرات) ولایتونو په ۳۰ولسوالیو کې د اقلیمي بدلون
په هکله د خلکو درک او پوهاوي کچې معلومولو ارزونه ترسره او بشپړه شوې چې د څېړنې
پایلې او راپور یې د نظرونو او وړاندیزونو په موخه د اړوندو ادارو له استازو سره
شریک او په هکله یې مشورتي غونډه وشوه؛ ترڅو د یادې ارزونې مسوده نوره هم غني او بډایه
شي.
د دې ارزونې موخه دا ده چې په هېواد کې د اقلیمي بدلون په تړاو
د خلکو د پوهاوي کچه معلومه شي او د موجوده ستونزو او ننګونو په پام کې نیولو سره
له اقلیمي بدلون سره سازښت او مبازې په
برخه طرحې او پلانونه چمتو او ډونرانو ته وړاندې شي او په راتلونکي کې به هم ترې د
ستراتیژیو او پالیسیو په جوړولو کې ګټه واخیستل شي.
