وروستی
خوست کې د بېپولې ډاکټرانو روغتون او میدانښار کې د یو شمېر کلینیکونو څارنه وشوه
۱۴۴۷ کال د ربیع الاول ۷نېټه/
خوست-میدان وردګ
د طبي زبالو د تنظیم او مدیریت په موخه د خوست او میدان وردګو ولایتونو د چاپېریال
ساتنې ریاست نظارتي ټیمونو له لوري د یوه روغتون او یو شمېر کلینیکونو د چاپېریالي
وضعیت ارزونه وشوه.
د خوست ولایت د چاپیریال ساتنې رئيس قاري شریف الله مهاجر په مشرۍ نظارتي ټیم له
لوري د بې پولې ډاکټرانو اړوند (MSF) زیږنتون د چاپېریالي وضعیت څارنه او ارزونه وشوه او مسوولینو
ته یې د طبي کثافاتو د مدیریت او حفظ الصحې د رعایت په موخه لازمې سپارښتنې وشوې.
د میدان وردګو ولایت د چاپېریال ساتنې ریاست مسوولینو له لوري مرکز میدانښار کې د
غاښونو یو شمېر کلینیکونو د فعالیتونو د څرنګوالي څخه څارنه وشوه او مسوولینو ته یې
په معیاري ډول د طبي زبالو د له منځه وړلو په هکله لازمې لارښوونې وکړې.
د چاپېریال ساتنې ملي اداره د ټولو روغتیايي مرکزونو مسوولینو ته سپارښتنه کوي چې
طبي زبالي له عادي زبالو څخه جلا او په معیاري توګه له منځه یووړل شي.