وروستی
لسګونو بزګرانو ته د دوه ورځني روزنیز پروګرام په لړ کې عامه پوهاوی ورکړل شو
۱۴۴۷ کال د ربیع الاول ۹نېټه/ کندهار
د کندهار ولایت د چاپېریال ساتنې ریاست لخوا د FGA مؤسسې په همکارۍ د ډنډ او ارغنداب ولسوالیو
کې د بزګرانو د ظرفیت لوړونې په پار دوه ورځنی روزنیز پروګرام ترسره شو.
د دغه روزنیز پروګرام په ترڅ کې د ډنډ ولسوالۍ روحاباد سیمې
او ارغنداب ولسوالۍ سرکاري باغ ۱۰۰ تنو بزګرانو ته د اوبو د
مؤثریت، اصلاح شوو تخمونو، د پیوند تخنیک، او نورو مهمو چاپېریالي، زراعتي او
باغدارۍ اړوند موضوعاتو عملي زدهکړه ورکړل شوه.
د یاد پروګرام موخه د بزګرانو مسلکي مهارتونو لوړول، نوې
کرنیزې ټکنالوژي سره اشنا کیدل ، د کرنیزو تولیداتو زیاتول، او د چاپېریال ساتنې
فرهنګ ته وده ورکول وو.
بزګرانو د یاد پروګرام له جوړیدو خوښي څرګنده کړه او غوښتنه
یې وکړه چې دا ډول ښوونیزې برنامې دې دوام ومومي.