وروستی
هلمند کې د غږیزې ککړتیا د مخنیوي په پار له یو شمېر وسایطو لوړ غږ لرونکي وسایل خلاص او ضبط شول
۱۴۴۷ کال د ربیع الاول ۱۳/ هلمند
د غږیزې ککړتیا د راکمولو او مخنیوي په پار د هلمند ولایت د
چاپېریال ساتنې ریاست په مشرۍ د غږیزې ککړتیا
د مخنیوي کمیسیون مسوولینو له لوري د لښکرګاه ښار د لومړۍ ناحیې اړوند سولې چوک
شاوخوا کې د یو شمېر وسایطو (موټرانو، موټرسایکلو او رکشاوو) څخه لوړ غږ لرونکې
سلنګسرونه، لیزري څراغونه او هارنونه چې له مجاز حد څخه یې غږونه لوړ ول او د هېوادوالو
د ازار او اذیت سبب ګرځیدل، خلاص او ضبط شول.
د غږیږې ککړتیا د راټیټولو او مخنیوي مقررې نهمې مادې د
حکم په اساس هر ډول لوړ غږ لرونکي وسایل چې له مجاز حد څخه یې
غږونه لوړ وي، بند دي او هیڅوک حق نه لري چې لوړ غږ لرونکي هارنونه او
سلنسرونه بازار ته وارد کړې.
د چاپېریال ساتنې ملي اداره ټولو هېوادوالو ته سپارښتنه کوي
چې په خپلو وسایطو کې له لوړ غږ لرونکو وسایلو (هارنونو او سلنسرونو) له
نصبولو ډډه وکړي.