وروستی
خوست او کونړ کې ښوونکو او زدهکوونکو ته د چاپېریال ساتنې په اړه عامه پوهاوی ورکړل شو
۱۴۴۷ کال د ربیع الاول ۱۵/
خوست-کونړ
د خوست او کونړ ولایتونو د چاپېریال ساتنې ریاستونو د عامه پوهاوي ټیمونو له لوري ښوونکو
او زدهکوونکو ته د مختلفو چاپېریالي مسایلو په هکله عامه پوهاوی ورکړل شو.
خوست کې د الفتح عالي لیسې او اسعداباد کې د مرکزي دیني مدرسې سلګونو زدهکوونکو
او طالب العلمانو ته د اقلیمي بدلون، د ځنګلونو، وحشي ژوو او چاپېریال د ارزښت او
ساتنې؛ د ککړتیا د عواملو او اضرارو د مخنیوي په تړاو عامه پوهاوی ورکړل شو.
د عامه پوهاوي ټیمونو لهخوا زدهکوونکي چاپېریال ساتنې ته وهڅول شول او سپارښتنه
ورته وشوه چې چاپېریالي مسایل له خپلو همزولو او کورنیو سره شریک کړي.
د ښوونځي او مدرسې مسؤلینو او زدهکوونکو د چاپېریال
ساتنې په برخه کې ژمنتیا وښوده او ډاډ یې ورکړ چې د سالم چاپېریال رامنځته کولو
لپاره به هلې ځلې کوي.