وروستی
د چاپېریالي مفتشینو لهخوا ولایتونو کې مختلف فعالیتونه ترسره شوي دي
۱۴۴۷ کال د ربیع الاول ۱۷/ فراه-غزني-پکتیکا
د فراه ولایت د چاپېریال ساتنې رئیس حافظ برهانالدین راشد
په مشرۍ پلاوي د انار درې ولسوالۍ ته سفر وکړ؛ ترڅو د وحشي ژوو، نادره الوتونکو د ښکار،
او همداراز د ځنګلونو د وهلو د مخنیوي په موخه خلکو ته پوهاوی ورکړي.
د سفر په لړ کې قومي مشرانو، ځايي اوسېدونکو او سپینږیرو
سره جلا جلا ناستې وشوې او د چاپېریالي اصولو په هکله ورته عامه پوهاوی ورکړل شو؛
همداراز د یو شمېر اصنافو د چاپېریالي وضعیت څارنه او ارزونه وشوه.
د غزني ولایت د چاپېریال ساتنې ریاست د جغتو ولسوالۍ امنیتي
مسوولینو په همکارۍ په یادې ولسوالۍ کې د دو ښکاریانو څخه د ګلسر او ساهرې په نوم
۴۰ وزره الوتونکي ونیول شول او
ازادې فضا ته خوشې شول، له ښکاریانو لیکلې ژمنې واخیستل شوې چې نور به ښکار نه کوي
او که بیاځلي ونیول شول د قانون منګولو ته به وسپارل شي؛ همداراز په کانونو کې د
چاپېریالي اصولو د تطبیق په موخه د ناور او مالستان ولسوالیو د ګاومرده، کوروله،
اينک او ميان کوه ساحو د کانونو د استخراج شرکتونو د فعالیتونو د بهير او ځاى څخه
چاپیریالي ارزونه ترسره شوه او مسوولینو ته یې د اصلاح په موخه لازمې سپارښتنې
وشوې.
د پکتیکا ولایت د چاپېریال ساتنې ریاست نظارتي ټیم له لوري
له مرکز ښرنې څخه تر مټاخان ولسوالۍ پورې عمومي سړک د جوړېدو چارو څخه نظارت ترسره
شو، د شرکت مسوولینو موجوده چاپېریالي ستونزې ور وښودل شوې او د حل په موخه ورته
لازمې سپارښتنې وشوې؛ همداراز د پکتیکا مرکز ښرنه کې د چاپېریالي چارو مفتشینو له
لوري د ۴هوټلونو
او ۲۵
قصابیو د چاپېریالي وضعیت ارزونه وشوه او هټۍوالو ته د حفظ الصحې د رعایت او چاپېریالي
اصولو د تطبیق سپارښتې وشوې.
