وروستی
مرکز او ولایتونو کې په دوامداره توګه د فعالیتونو له څرنګوالي څارنه کیږي
۱۴۴۷ کال د ربیع الاول ۲۷/ خوست-ارزګان-لغمان-زابل
د خوست، ارزګان، لغمان او زابل ولایتونو د چاپېریال ساتنې ریاستونو
مفتشینو له لوري په فعالیتونو کې د چاپېریالي اصولو د تطبیق او حفظ الصحې د ساتنې
په موخه د مختلفو فعالیتونو له څرنګوالي څارنه وشوه.
خوست
ښار کې د یو شمېر هوټلونو او نانوایانو د چاپېریالي وضعیت څارنه وشوه او مسوولینو
ته د چاپېریالي اصولو د تطبیق په هکله لازمې سپارښتنې وشوې.
د ارزګان ولایت د چاپېریال ساتنې ریاست مسوولینو له لوري ترینکوټ ښار کې د ۱۲۸مختلفو اصنافو د فعالیتونو څارنه
وشوه، مسوولینو ته یې د چاپېریال قانون او مقرراتو په هکله عامه پوهاوی ورکړل شو
او سپارښتنې ورته وشوې چې خپل فعالیتونه معیاري کړي.
لغمان کې د چاپېریالي چارو مفتشینو له لوري د الیشنګ سړک په اوږدو کې د تیلو یو شمېر
پمپ سټیشنونو د چاپېریالي وضعیت څارنه او ارزونه وشوه. د پمپ سټېشنونو مسوولینو ته
د چاپیریال قانون، اصولو او مقرراتو په هکله عامه پوهاوی ورکړل شو او د تطبیق په
پار ورته یو لړ سپارښتنې وشوې چې مسوولینو یې هم د پلي کیدو ژمنې وکړې.
د زابل ولایت د چاپېریال ساتنې ریاست مفتشینو له لوري د ځنګلونو د وهلو او قاچاق د
مخنیوي په پار قلات ښار کې یو زرنج چې د ځنګلي بوټو او لرګیو بار و، ونیول شو او
لرګي یې ضبط شول.
د یادونې وړ ده چې د ځنګلونو او طبي بوټو وهل او قاچاق جرم دی، هرڅوک چې په دې تور
ونیول شول د قانون منګولو ته به وسپارل شي.