وروستی
تمویلوونکو هیوادونو، دملګرو ملتونو اړوند بنسټونو او د سفارتونو استازو ته په ملي کچه د ټاکل شوې ونډې (NDC) دویم سند وړاندې شو
۱۴۴۷کال د ربیع الاول ۳۰مه/ کابل
د چاپېريال ساتنې ملي ادارې مسلکي او پاليسي معين ډاکټر مُلا
زين العابدين عابد په مشرۍ نن دوشنبه د ۱۴۰۴کال
د وږي په ۳۱مه
نېټه د دې ادارې د بند امیر غونډو په تالار کې په ملي کچه د ټاکل شوې ونډې (NDC) دویم سند تمویلوونکو هیوادونو،
دملګرو ملتونو اړوند بنسټونو او د سفارتونو استازو ته وړاندې شو.
په دې غونډه کې چې د بهرنیو چارو وزارت په همکارۍ جوړه شوې
وه، د دې ادارې د یو شمېر رئیسانو او متخصصینو په شمول، افغانستان کې د یوناما،
بهرنیو سفارتونو او ملګرو ملتونو استازو په انلاین بڼه ګډون کړی وو.
په پیل کې د چاپېریال ساتنې ملي ادارې مسلکي او پاليسي معين
ډاکټر مُلا زين العابدين عابد ګډونوالو ته ښه راغلاست ووایه او په خپلو خبرو کې یې
وویل چې افغانستان د اقلیمي بدلون په رامنځته کیدو کې ونډه نه لري؛ خو له بده مرغه
د اقلیم بدلون د ناوړه اغیزو څخه د زیانمنو هېوادونو په لومړۍ کرښه کې قرار لري،
ده زیاته کړه چې له اقلیمي بدلون سره د مبارزې په برخه کې افغانستان خپلو ژمنو ته
متعهد دی او په دې برخه کې یې پر قوانینو، پالیسیو او ستراتېژیو بیا کتنه کړې، د (NDC) دویم سند یې چمتو کړی او دا دی
اوس د (NDC) دریم
سند پر جوړولو کار روان دی.
نوموړي له ګډونوالو وغوښتل چې د افغانستان د ځنډول شویو
چاپېریالي پروژو د بیا پیل لپاره هڅې وکړي.
ښاغلي عابد ټینګار وکړ چې له دې فرصت څخه باید ګټه پورته شي
او د اقلیمي بدلون پر وړاندې د پیاوړي او باثباته افغانستان ملاتړ وشي.
ورپسې د دې ادارې د اقلیم بدلون رئیس روح الله امین لخوا په
ملي کچه د ټاکل شوې ونډې (NDC) دریم
سند د چمتو کولو په تړاو هر اړخیز معلوماتي پرزنټېشن وړاندې شو چې د اقلیم بدلون
په اړه د ملګروملتونو د کنوانسیون اړوند د افغانستان د ژمنو لکه د اسنادو چمتو
کول، د NDC د
دویم سند د چمتو کیدو او د NDC د
دریم سند د کار د مراحل او پرمختګ پکې واضح شول.
ګډونوالو د اقلیم بدلون پر مسایلو هر اړخیز بحث وکړ او
ټینګار یې وکړ چې د اقلیم بدلون سره د سازښت او مبارزې په ځانګړي ډول د NDC پلي کیدو په برخه کې باید د
افغانستان ملاتړ وشي.