وروستی
مرکز او ولایتونو کې د هواککړوونکو سرچینه څخه په دوامداره توګه څارنه کیږي
۱۴۴۷ کال د ربیع الاول ۳۰/کابل-خوست-ارزګان
د هواککړتیا راکمولو او مخنیوي په موخه د کابل، خوست او زابل
ولایتونو د چاپېریال ساتنې ریاستونو نظارتي ټیمونو له لوري د مختلفو اصنافو د چاپېریالي
وضعیت د ارزونې په پار نظارت ترسره شو.
د چاپېریالي چارو مفتشینو له لوري د کابل ښار اتمه ناحیه کې د ګلف او باختر
روغتونونو، یو شمېر هوټلونو او نانوایانو د چاپېریالي وضعیت او فعالیتونو د څرنګوالي
څخه نظارت ترسره شو.
د خوست ښار څلورمې ناحیې اړوند متون تپی سیمه کې د مایع ګاز شرکتونو، د وینځونکو
توکو تولیدي کارخونو او یو شمېر اصنافو د فعالیتونو څخه څارنه وشوه؛ همداراز د ارزګان
په ترینکوټ ښار د مختلفو اصنافو د چاپېریالي وضعیت څارنه وشوه.
دا ارزونه د فردي او محیطي حفظالصحې رعایت او ساتنې، د ککړتیا لاملونو د تشخیص، د
ککړونکو منابعو د موندلو، کنټرول او مخنیوي په موخه ترسره شوه.
د نظارت پر مهال د ذکر شویو اصنافو شاوخوا چاپېریال، کاري ساحې پاکوالي، د حفظالصحې
اصولو رعایت، د کارکوونکو د شخصي یونیفورم حالت، او د شنو ساحو وضعیت وڅېړل شو.
اړونده مسؤولینو ته د چاپېریالي اصولو په رڼا کې د نظارتي ټیمونو له لوري مشخصې
لارښوونې او سپارښتنې وشوې؛ تر څو د اړونده
امارتی ادارو قوانین تطبیق او د چاپیریال د زیانمنیدو مخنیوی وشي.