وروستی
عمومي رئيس: ټول مکلف یو چې را سپارل شوي مسؤلیتونه د خپل هېواد او خلکو پر وړاندي په امانتدارۍ او ریښتنولۍ سرته ورسوو
۱۴۴۷ کال د ربیع الثاني ۲مه/ کابل
د چاپېریال ساتنې ملي ادارې عمومي رئیس مولوي مطیع الحق خالص
په مشرۍ نن پنج شنبه د ۱۴۰۴کال
د تلې په ۳مه نېټه
د دې ادارې د ولایتي رئیسانو د کړنو د ارزونې په تړاو غونډه ترسره شوه چې پکې د
بلخ، بغلان، فاریاب، دایکنډي، غزني، نیمروز، پکتیکا او پروان ولایتونو د چاپېریال
ساتنې رئیسانو د ګډون سربېره د هغوی د فعالیتونو ارزونه وشوه.
د چاپېریال ساتنې ملي ادارې عمومي رئیس د یادو ولایتونو رئیسانو
ته یو لړ مهمې سپارښتنې وکړې او غوښتنه یې ترې وکړه چې خپل فعالیتونه په پوره
صداقت او امانتدارۍ ترسره کړي.
نوموړي وویل: ریاستونو ته باید د نعمت په سترګه نه، بلکې د یوه
ستر مسوولیت په توګه وکتل شي؛ ځکه د اسلامي نظام د راتلو لپاره یو نیم میلیون شهیدان
او کابو ۵۰کاله
مبارزه شوې چې د یوې لویې قربانۍ په نتیجه کې موږ د اسلامي نظام خاوندان شوي یو او
اوس باید خپل مسوولیتونه په پوره امانت سره ترسره کړو.
ښاغلي خالص په خپلو خبرو کې وویل: زموږ او ستاسو مسوولیت ډیر
دروند دی؛ ځکه چې د ټولو ژوندیو موجوداتو د ژوندانه چارې ورسره تړلې دي او د هر ذیروح
د ژوند اساس د دې ادارې له مسوولیتونو سره تړلی؛ دا د ټول ملت امانت دی او موږ او
تاسې یې باید په احسنه توګه سر ته ورسوو.
نوموړي ولایتي رئیسانو ته سپارښتنه وکړه چې خپلو وظایفو ته د
الهي مسوولیت په سترګه وګورئ؛ ترڅو مخکې قدمونه واخلئ.
د دې ادارې د چاپېریال ساتنې ولایتي رئیسانو هم خپلې ستونزې
او وړاندیزونه د ادارې له عمومي رئیس سره شریک کړل او ډاډ یې ورکړ چې خپلې دندې به
په احسنه توګه ترسره کوي.