وروستی
ولایتونو کې د هر ډول فعالیتونو د چاپېریالي وضعیت څارنه کیږي
۱۴۴۷ کال د ربیع الثاني ۵مه/ هلمند-ننګرهار-لغمان-خوست
په ښارونو کې د هواککړوونکو سرچینو د تشخیص، هواککړتیا
راکمولو او فعالیتونو کې د چاپېریالي اصولو د تطبیق په موخه د هلمند، ننګرهار،
لغمان او خوست ولایتونو د چاپېریال ساتنې ریاستونو نظارتي ټیمونو له لوري د یو شمېر
فعالیتونو څخه څارنې وشوې.
د هلمند ولایت د چاپېریال ساتنې رئیس ملا محمد عیسی اغا په
مشرۍ نظارتي ټیم له لوري په ګرمسیر ولسوالۍ کې د مختلفو اصنافو وکیلانو سره د
هواککړتیا راکمولو په موخه مشورتي غونډه وشوه.
په دې
غونډه کې د هواککړتیا پر سرچینو بحث وشو او ګډونوالو ته سپارښتنې وشوې چې خپل فعالیتونه
اصلاح او د هواککړتیا مخه ونیسي.
د جلال آباد ښار ۷ناحیې
سبزآباد سیمه کې د چاپېریالي چارو مفتشینو له لوري د "ننګرهار المونیم"
او "المدینه المونیم" د لوښو جوړولو تولیدي فابریکو او همدارنګه د تېلو
پمپ سټیشنونو د چاپېریالي وضعیت څارنه وشوه.
د ننګرهار ولایت د چاپېریال ساتنې ریاست مسوولینو له لوري د
ذکر شوو فعالیتونو مسوولینو ته لازمې لارښوونې وشوې او سپارښتنې ورته وشوې چې په
خپلو فعالیتونو کې چاپېریال اصولو تطبیق کړي او هغوی هم ژمنه وکړه چې چاپېریالي
شرایط به پلي کوي.
د کونړ ولایت د چاپېریال ساتنې ریاست مفتشینو لهخوا
اسعداباد ښار کې د مختلفو اصنافو له فعالیتونو څخه نظارت ترسره شو او هټۍوالو ته د
چاپېریال قانون د تطبیق په هکله لازمې سپارښتنې وشوې.
د خوست ښار ۲
ناحیې، اسماعیل خیلو او مندوزیو ولسوالۍ مربوطاتو کې د یو شمېر هوټلونو او د چرګانو
د ساتنې فارمونو څخه د محیطي حفظ الصحې د ساتلو په پار نظارت ترسره شو.
د خوست ولایت د چاپېریال ساتنې ریاست نظارتي ټیم له لوري د
ارزونې په لړ کې د ذکر شویو فعالیتونو مسوولین چاپېریال ساتنې ته وهڅول شول او
سپارښتنې ورته وشوې خپل فعالیتونه معیاري او د چاپېریالي اصولو مطابق عیار کړي.
چاپېریال
ساتنه د ټولو هېوادوالو ګډ مسوولیت دی؛ راځئ چې خپل چاپېریال له هر ډول ککړتیاوو څخه پاک کړو!